Mattiu 12:30 - Tedim Bible

³⁰ Kei tawh kipawl lote in, ka lang khatah a om hi. Keimah tawh a khawmkhawm lote in a kithehthang sak hi.

Tedim Bible Revision 2017

³⁰ Kei hong pawlpih lo peuhmah keima lang hi uh a, kei hong kaihkhop pih lo peuhmah a thehthang ahi uh hi.

Mattiu 12:30 Iomraidhean Croise

Piancilna 49:10

Judah kiang pan kumpi ciangkhut paikhia lo ding, ukpa’ ciangkhut zong a khe kikal pan paikhia lo ding, a neipa' kiangah a tun’ mateng, mite’ thuman’na ama' tungah om ding hi.

Late 94:16

Kei adingin migilote do dingin kua kipan ahi hiam? Kei adingin siatna bawlte’ lang khatah kua ding ahi hiam?

Paunak 11:24

Mi pawlkhat in sum zang ziahziah napi-in hau semsem a, mi pawlkhat in cil mahmah napi, zawng semsem hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Mattiu 12:29

Mi khat in, thahatpa hen masa kei leh, a inn sungah bangci tumin a sumte a sut zo ding hiam? Mi thahatpa a hen khit ciangin, a inn sungah sumte kisut zo bek ding hi.

Mattiu 6:24

“To nih’ na kuamah in semkhawm zo lo hi. Bang hang hiam na cih uh leh, a tote khat mudahin khat a it ding hi. Khat beelin khat a simmawh ding hi. Note in Pasian’ na leh leitung’ na na semkhawm zo kei ding uh hi.

Marka 9:40

Bang hang hiam na cih uh leh, eite lang khatah a pang lote in, eite tawh a kipawl hi.

Luka 11:23

Keimah tawh a kipawl lote in keima langkhat ah a pang hi. Keimah tawh a khawmkhawm lote in a kithehthangsak hi.”

Luka 9:50

Zeisu in, “Tua pa na kham kei un. Bang hang hiam na cih uh leh, note lang khatah a pang lo mi in note tawh kipawlin a om hi,” ci-in a gen hi.

Johan 11:52

mun khempeuh ah a kikhenthang Pasian’ tate a kikhawm kiksak dingin a si ding hi,” ci-in kamsangpa bangin a gen hi.

Joshua 24:15

Topa’ na nasep nop kei uh leh, Gungal khat-a a na a kisepsak na pu na pate uh pasian ahi a, note’ teen’na gam Amor mite’ pasiante ahi zongin, a na nasep sak ding peuhpeuh uh tu ni-in teel un; ahih hangin kei leh ka innkuanpihte in ahih leh Topa’ na ka sem ding uh hi,” a ci hi.

Joshua 5:13

Jerikho khua kiangah Joshua a tun’ ciangin a mitte sangsak in khuadak a, en in, a khut sungah namsau dawhsa tawh mi khat a mai-ah na ding hi; ama kiangah Joshua pai-in, “Ko pawl na hi hiam, ahih kei leh ka langte pawl na hi hiam?” a ci hi.

1 JOHAN MASA 2:19

Tua mite in eite kiang pan a paikhiat uh hangin nidang lai-inah eite tawh a kipawl kei uh hi. Bang hang hiam na cih uh leh, eite tawh kipawl uh hi leh, eite tawh a omkhawm ding uh hi. Tua mite in eite tawh a kipawl loh thu a kilat nading eite kiang pan a paikhia uh hi.