Mattiu 12:28 - Tedim Bible

²⁸ Keimah in Kha Siangtho suangin dawite ka hawlkhiat leh, Pasian’ Gam in note kiangah hong tung zo hi.

Tedim Bible Revision 2017

²⁸ Noteʼ ngaihsut bang hi loin, Pasianʼ Kha in dawi hawlkhiat nading vangliatna kei tungah hong pia ahih manin note lakah Pasianʼ ukna hun hong kipan khin ahihna hong kilang hi.

Mattiu 12:28 Iomraidhean Croise

Daniel 2:44

Tua kumpite a maan’ lai takun, vantung Pasian in a bei thei ngei lo ding kumpigam a hong phut ding hi. Tua kumpigam kuamah in zo zo lo ding a, tua gam in gam dang khempeuhte zo gawpin, a kip tawntung ding hi.

Daniel 7:14

Amah in vangliatna, minthan’na leh kumpi za ngah ahih manin, minam kimte, minam tuamtuamte, paunam tuamtuamte khempeuh in ama na a sem ding uh hi. Amah in a tawntungin uk ding a, a kumpi gam a bei ngeikei ding hi.

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Mattiu 12:29

Mi khat in, thahatpa hen masa kei leh, a inn sungah bangci tumin a sumte a sut zo ding hiam? Mi thahatpa a hen khit ciangin, a inn sungah sumte kisut zo bek ding hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Mattiu 6:33

Pasian’ Gam leh ama dikna zong masa un. Na zon’ uh leh, tua na khempeuh a hong pia thuah ding hi.

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Marka 11:10

A hong piang ding i pa David’ Gam in thupha ngah ta hen! Van a sang belna-ah Hosanna!” ci-in a kiko uh hi.

Marka 16:17

Thu um mite tungah hih na lamdang a piang ding hi: Keima min tawh dawite a hawlkhia ding uh a, kamthakin a pau ding uh hi;

Luka 10:11

‘Ka khepeek uh ah hong belh no khua leivui nangawn note langkhat ah ka nulkhia uh hi. Ahih hangin Pasian’ Gam hong nai zo hi ci-in na thei ta un,’ ci-in na gen un.

Luka 11:20

Ahih hangin, Pasian’ khutme tawh dawite ka hawlkhiat leh, Pasian’ Gam in note kiangah hong tung zo hi.

Luka 16:16

‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

ROM (Romans) 14:17

Bang hang hiam na cih uh leh, Pasian’ Gam in an nekna, tui dawnna-ah a kip kei hi. Kha Siangtho hanga kingah dikna, kilemna leh lungdamna-ah a kip hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.