Mattiu 12:18 - Tedim Bible

¹⁸ “Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Tedim Bible Revision 2017

¹⁸ “Keimah in ka teel sa ka nasem pa, ka it mahmah, ka lungkimna pa en un. Keima Kha ama tungah ka pia dinga, Gentail mite tungah upna man a pulak ding hi.

Mattiu 12:18 Iomraidhean Croise

Late 89:19

Hunlui lai-in na thuman mipa tungah mang sungah thu genin hih bangin na ci hi: A vanglian khatpa tungah lukhu ka koih zo a, mite lak panin a kitengkhia mi khat ka liansak zo hi.

Isaiah 11:2

Ama tungah, Topa’ Kha ahi, lungpilna leh thu theihtelna Kha, thu lamlah siamna leh vangliatna Kha, theihna leh Topa kihtakna Kha om ding hi.

Isaiah 42:1

Keimah in ka huh, keima teel, ama sungah ka lungkimna ka nasempa en un; ka Kha tawh amah ka kidimsak a, amah in minam khempeuh tungah thuman tungsak ding hi.

Isaiah 52:13

Topa in, “En un, ka nasempa pilna tawh gamta-in, amah a lianin kikoihin kilaam to ding a, sang mahmah ding hi.

Isaiah 53:11

Amah in a thuak khit ciangin nuntakna khuavak mu-in, a lungkim ding hi; ama theihna tawh a dik ka nasempa in mi tampi diktangsak ding a,, amah in amaute’ mawhnate pua ding hi.

Isaiah 62:2

Minamte in nangma gualzawhna mu ding uh a, kumpi khempeuh in nangma minthan’na mu ding uh hi; Topa in nang hong phuah min thak tawh nang hong kisam ding hi.

Jeremiah 16:19

Aw Topa, ka hatna leh ka kulhpi, lungkham hun cianga ka bukna aw, leitung mong panin gamdang mite nang’ kiangah hong pai ding uh a, “Ka pu ka pate un zuauthu leh bangmah a, kimang lo milimte longal bangmah a luah kei uh hi.

Zekhariah 3:8

Tua ahih ciangin siampi lian Joshua aw, ngai in; ama siampi pih ahi no adangte in zong ngai un. Note in mai lam thu hoih nadingin lim na hi uh hi. Sing bangin A Sel ka nasempa khat kong paisak ding hi.

Mattiu 12:17

Bang hangin hih bangin a kham hiam i cih leh, Pasian in kamsangpa Isaiah tungah a genna thu a tun’ nading hi. A thu genna in:

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Marka 1:11

“Nang in ka lung hong damsak ka it ka Tapa na hi hi,” ci-in vantung panin aw khat a ging hi.

Marka 9:7

Tua lai takin meeingo khat in amaute tuam a, “Hih pa in ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Luka 23:35

Mite in enin a ding uh hi. A ukte in, “Hih pa in midangte a gum thei hi. Pasian’ teelsa Khazih ahih takpi leh, ama pumpi kigum ta hen,” ci-in a zahko uh hi.

Luka 3:22

Kha Siangtho pum nei-in vakhu bangin ama tungah kumsuk a, “Nangmah in ka lung hong damsak ka it, ka Tapa na hi hi,” ci-in vantung panin aw khat a ging hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Luka 9:35

“Hih pa in ka teelsa ka Tapa ahi hi. Ama thu na ngai un,” ci-in meii lak pan aw khat a ging hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 14:27

A tun’ uh ciangin pawlpite kikhawmsak uh a, amaute tungah Pasian’ bawlna leh Gentailte ading thu upna kong kihon’na thu teng a zasak uh hi.

Efesa 1:6

Zeisu Khazih hangin ama tapa-za i ngah nadingin hong deih hong hehpihna hangin, amahmah adingin amasa-ah hong koih khol hi.

Kolose 1:1

Pasian’ deihna hangin Khazih Zeisu’ sawltak keimah leh i sangampa Timoti in Kolose khua-ah a om Khazih sungah misiangthote leh a thuman ute naute kiangah thu ka hong zasak uh hi. I Pa Pasian kiang panin hehpihna thupha leh nopna in note tungah om ta hen.

1 PETER MASA 2:4

Mite in a nilkhiat hangin Pasian’ teel nuntakna suangpi ahi, tua Topa kiangah pai-in,

2 PETER NIHNA 1:17

Bang hang hiam na cih uh leh, “Hihpa in ka lung hong damsak ka it ka Tapa hi,” ci-in Vanglian Bel sung pan tua Topa tungah aw khat hong tun’ ciangin, Pa Pasian kiang pan minthan’na leh liatna a ngah hi.