Mattiu 12:17 - Tedim Bible

¹⁷ Bang hangin hih bangin a kham hiam i cih leh, Pasian in kamsangpa Isaiah tungah a genna thu a tun’ nading hi. A thu genna in:

Mattiu 12:17 Iomraidhean Croise

Isaiah 42:9

En un, hun beisa-a nate in hong kheng a, tu-in a thak nate kong gen hi; tuate a hong pian’ khiat ma-in note tungah a thute kong gen khol hi.”

Isaiah 44:26

a nasempa’ thu kip sakin, a kamtaite’ thugente a tangtungsak; ‘Jerusalem khua-ah mi teengin, Judah khuapite kilamkik ding a,, a kisia khuate ka lamkik ding hi’;

Mattiu 12:16

“Kei kua mi ka hih lam kuamah kiangah na gen kei un,” ci-in a kham hi.

Mattiu 12:18

“Ka teelsa ka nasempa, Ka lung hong damsak, ka it mahmah pa en un. Ama tungah ka Kha Siangtho ka omsak ding hi. Amah in Gentailte tungah thukhenna thu a hilh ding hi.

Mattiu 13:35

Bang hang hiam i cih leh; “Ka kam ka-in thugentehna-in ka hilh ding hi. Lei pian’cil a kipan, thu ki-im khempeuh ka pulak ding hi,” ci-a Pasian’ kamsangte tungah a gensa a tun’ nading hi.

Mattiu 21:4

Tua bang hihna in, Pasian in a kamsangpa tungah a genkholhsa bang a tun’ nading ahi hi. A genna in:

Mattiu 8:17

Tua thu khempeuh in kamsangpa Isaiah tungah a gen ngei bangin a tun’ nading ahi hi. A genna thu in, “Amah in eite gimna tawlna la a, eite cinatna lunatna a thuak hi,” a ci hi.

Luka 21:22

Bang hang hiam na cih uh leh, tua ni ciangin a kigelh kholsa khempeuh a tun’ nadingin daanpiak ni ahi ding hi.

Luka 24:44

Khatvei Zeisu in, “Moses’ Thukhamna ahi zongin, kamsangte’ gelhna thu ahi zongin, Lai Siangtho sungah a kigelh thu ahi zongin keima thu a kigelhsa khempeuh a tangtung ding hi ci-in ke’n note tawh ka om khop lai takin kong gen khempeuhte in hih thu ahi hi,” a ci hi.

Johan 10:35

Pasian thu a ngahte in pasiante ahi uh a kicih leh, Pasian Lai Siangtho kinial lo ahih ciangin,

Johan 12:38

Bang hang hiam i cih leh, Pasian’ kamsangpa Isaiah hilhna thu a tun’ nading hi. Tua thu in: “Topa aw, ka genna thu uh kua in hong um ahi hiam? Pasian’ khut kua kiangah kilang ahi hiam?” a ci hi.

Johan 19:28

Tua nung ciangin Zeisu in thu khempeuh kizo khin zo cih a theih ciangin, Lai Siangtho sungah a kigelh mah bangin a tun’ nadingin, “Tui ka duh hi,” a ci hi.

Sawltak 13:27

Bang hang hiam na cih uh leh, Jerusalem khuapihte leh amau ukte in amah ahi zongin, Nipi ni simin a kisim Pasian’ kamsangte’ lai ahi zongin thei lo uh ahih ciangin tua thute a tungsak dingin Zeisu a daantat uh hi.