Mattiu 12:15 - Tedim Bible

¹⁵ Zeisu in a theih ciangin tua mun pan a paikhiat leh, mihonpi in a nung a zui uh a, cina khempeuh a damsak hi.

Tedim Bible Revision 2017

¹⁵ Jesu in amah a kisawmna thu a theih ciangin tua mun panin a paikhia hi. Mi tampi in amah hong zui uh hi. Amah in cina mi khempeuh damsak a,

Mattiu 12:15 Iomraidhean Croise

Mattiu 10:23

Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Mattiu 19:2

Mi tampite in a nung zui uh a, tua munah cinate a damsak hi.

Marka 6:56

Khuapi, khuaneu, gamlak, a tun’na khempeuh ah cidam lo mite lam kiangah a koih uh a, ama puan mong teep beek a lawn’ nadingun a ngen uh hi. Amah a lawng khempeuh in cidamna a ngah uh hi.

Luka 5:22

Zeisu in amaute ngaihsutna a theih ciangin, “Note in bang hangin na lungsim sung uh ah tua bangin ngaihsun na hi uh hiam?

Luka 6:12

Tua lai takin Zeisu in thu ngen dingin mual tungah kahto a, Pasian kiangah thu ngenin zan khat tawntung a om hi.

Luka 9:11

Mihonpite in a theih uh ciangin a delh uh hi. Zeisu in amaute hawlkhia loin Pasian’ Gam thu hilh a, dam nading a deihte a damsak hi.

Johan 11:54

Tua ahih ciangin Judah mite lakah a kilangin Zeisu a pai nawn kei hi. Tua mun panin paikhia-in, gammang tawh kinai Efraim kici khua-ah pai a, a nungzuite tawh a omkhawm hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Johan 9:4

Ni a om lai teng kei hong sawlpa’ na i seem ding hi. Kuamah in na a sep theih loh hun zan hong tung ding hi.

Galati 6:9

Eite in lungkia loin gamtat hoih gamta ni. Bang hang hiam na cih uh leh, lungkia loin i om leh, a hun a tun’ ciangin a gah i at ding hi.

1 PETER MASA 2:21

Bang hang hiam na cih uh leh, tua bang deihna in note hong sam zo hi. Khazih in zong note ading gimna thuak a, ama khekhap na zuih nadingun a lim a koih zo hi.