Mattiu 12:14 - Tedim Bible

¹⁴ Tua lai takin Farisaite paikhia a, “Amah bangci leeng susia thei ding i hi hiam?” ci-in a vaihawm uh hi.

Tedim Bible Revision 2017

¹⁴ Ahi zongin Farisi mite paikhia uh a, Jesu a thah theih nading uh vai a hawm uh hi.

Mattiu 12:14 Iomraidhean Croise

Mattiu 26:4

Zeisu bangci kheembawlin, a mat khit uh ciangin thatlum thei ding ci-in a vaihawm uh hi.

Mattiu 27:1

A zingsang ciangin siampi liante leh upate khempeuh in Zeisu thah dingin a vaihawm uh a;

Marka 14:1

Ni nih khit ciangin, Paisan pawi leh silngo om lo khomun pawikhamna tung ding hi. Tua lai takin siampi liante leh laitheite in zuauthu tawh Zeisu man-a a thah theih nading lampi a zong uh hi.

Marka 3:6

Tua lai takin Farisaite paikhia uh a, “Zeisu bangci leeng susia thei ding i hi hiam?” ci-in thakhatin Herod’ nungzuite tawh a vaihawm uh hi.

Luka 22:2

Siampi liante leh laitheite in Zeisu bangci thatlum ding ci-in a zong uh hi. Bang hang hiam i cih leh, amaute in mite a kihta uh hi.

Luka 6:11

Ahih hangin amaute heh mahmah uh a, Zeisu tungah, “Bangci i hih ding hiam?” ci-in khat leh khat a kikum uh hi.

Johan 10:31

Tua ahih ciangin Judah mite in suang tawh deeng dingin suang a tawm kik uh hi.

Johan 10:39

Amaute in Topa mat nading a zon’ kik uh ciangin amaute’ khut sung pan a paikhia hi.

Johan 11:53

Tua ahih ciangin tua ni-a kipan Zeisu a thah nadingun amaute kikumin a vaihawm uh hi.

Johan 11:57

Siampi liante leh Farisaite in Zeisu’ omna mun a thei a om leh, amaute in a mat theih nadingun hong hilh ta hen, ci-in tua lai takin lai a hawm uh hi.

Johan 5:18

Tua ahih ciangin amah in Sabbath ni siasak tham loin, Pasian nangawn “Ka Pa hi” ci-in Pasian bangin kibawl hi ci-in, Judah mite in Zeisu a that nuam semsem zaw uh hi.

Johan 7:30

Tua ahih ciangin amaute in Topa mat nadingin a vaihawm uh hangin ama hun tung nai lo ahih ciangin, kuamah in ama tungah khut a nga kei hi.

Johan 7:32

Mihonpite kikupna thu a theih uh ciangin, siampite leh Farisaite in Topa man dingin palikte a sawl uh hi.

Johan 7:44

Tua bangin mi kimkhatte in Topa a mat nop uh hangin kuamah in ama tungah khut a nga kei hi.

Johan 8:59

Tua ahih ciangin amaute in Zeisu suang tawh deeng dingin suang tawm uh a, ahih hangin Zeisu bu-in biakna innpi sung pan a paikhia hi.