Mattiu 12:10 - Tedim Bible

¹⁰ Tua lai-ah khut langkhat si mi khat a om hi. Amaute in Topa a mawhsak nop manun, “Nipi ni-in cinatna damsak tuak ahi hiam?”ci-in a dong uh hi.

Tedim Bible Revision 2017

¹⁰ Tua lai ah a khut lang khat a zaw mi khat a na om hi. Jesu gamta khial hi, ci-in a mawhna a zong nuam mi pawl khat tua lai ah om uh ahih manin tua mite in Jesu kiangah, “Sabbath ni-in cina damsak ding a kilawm mah ahi hiam?” ci-in a dong uh hi.

Mattiu 12:10 Iomraidhean Croise

Isaiah 32:6

Bang hang hiam cih leh mi hai in haina thu gen a, a lungsim ah gitlohna om a, a hoihin gamtat loh ding, Topa’ thu a hilopi-in gen ding, a gilkialte’ an duhna a phat lohna ding leh dangtakte in tui dawn ding a neih theih loh nadingin, ama lungsim in mawhna bawl ding sawm hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Isaiah 59:4

Kuamah in thutang tawh thu na nei kei uh a, thuman tak tawh kuamah thukhen zumah na pai kei uh hi; note in bangmah lopi suan’in nei-in zuau thu na gen uh a, siat nading thu ngaihsunin, gitlohna na piangsak uh hi.

Zekhariah 11:17

Kiman’na a neilo tuucingpa, a tuuhonte a nusiapa in gimna ngah ta hen! Namsau in a ban bantan hen la, a taklam mit satkham hen. A ban beimang hen la, a taklam mit tawcip hen!” hong ci hi.

Mattiu 12:2

Farisaite in a muh uh ciangin Topa kiangah, “En in, Nipi ni-in ahih tuak lo na, na nungzuite in ahih uh hi,” a ci uh hi.

Mattiu 19:3

Farisaite in a kiangah va nai uh a, “Thu khempeuh hangin zi a mak tuak hiam?” ci-in a ze-et nadingin a dot uh ciangin,

Marka 3:2

Nipi ni-in cinatna a damsak ding hiam, damsak lo ding hiam ci-in amaute in Zeisu a mawhsak nop manun a en uh hi.

Luka 11:54

ama kam pan mat nading a pang uh a, kam tampi a gen nadingin thu tampi a dong kawikawi uh hi.

Luka 13:14

Zeisu in Nipi ni-in cina a damsak man-inah kikhopna inn ukpa heh a, mihonpite kiangah, “Nasep nadingin ni guk a om hi. Tua nite sungin hong pai un la, cidamna na ngah ding uh hi. Nipi ni-in hong pai kei un,” ci-in a gen hi.

Luka 20:22

Kote in Kaisar kumpipa kiangah siah piak tuak ahi hiam, piak tuak lo ahi hiam?” ci-in a dong uh hi.

Luka 23:14

“Mite a kheem thei mi bangin hih mipa kei kiangah nong paipih uh hi. Note mai-ah amah ka dot hanginah, na mawhsakna uh bangin mawhna khat beek ama tungah ka mu kei hi.

Luka 23:2

“Hih pa in komau pawlte kheem a, ‘Khazih kici kumpipa ka hi hi. Kaisar kumpipa phiangsiah pia kei un,’ ci-in a kham kote’n ka za uh hi,” ci-in Zeisu a mawhsak uh hi.

Johan 5:10

Tua ahih ciangin Judah mite in a kiangah, “Tuni in Sabbath ni ahi hi; lupna puak tuak lo hi,” ci-in a gen uh hi.

Johan 5:3

Tuate ah mittaw, khezaw, pum langkhat si akipan cina tampite a lum uh hi.

Johan 7:23

Moses’ Thukhamna a siat thei loh nadingin Sabbath ni-in mi in vunatna a ngah hi. Ahih hangin Sabbath ni-in mi’ pumpi khat ka damsak ciangin bang hangin kei tungah heh na hi uh hiam?

Johan 8:6

Tua bang a cih uh ciangin, Zeisu tungah mawhna zon’ nadingun ci-in a ze-et uh hi. Ahih hangin Zeisu kun a, a khutme tawh leiah lai a gelh hi.

Johan 9:16

Tua ahih ciangin Farisaite kimkhat in, “Hih mi in Sabbath ni tang lo ahih ciangin Pasian sawl mi ahi kei hi,” a ci uh hi. Kimkhat in, “Mawhnei mi khat in hih bang nalamdang a lak thei ding hiam?” a ci uh hi. Tua ahih ciangin amaute kithutuak loin a kikhenthang uh hi.