Mattiu 11:4 - Tedim Bible

⁴ Zeisu in, “Note pai un la, na zaksa uh, na muhsa uh, Johan kiangah va gen un.

Tedim Bible Revision 2017

⁴ Jesu in amaute kiangah, “Va ciahkik unla, tu-a na zakte uh le na muh uh thute va gen un:

Mattiu 11:4 Iomraidhean Croise

Mattiu 11:3

“Nangmah in a hong pai dingpa taktak na hi hiam? Ahih kei leh, midang khat ka lamen lai ding uh hiam?” ci-in a dong sak hi.

Mattiu 11:5

Mi mittawte in khua mukik thei uh hi. Khebaite in lam a pai thei uh hi. Miphakte in damna a ngah kik uh hi. Bengngongte in khua za thei uh hi. Misite in hin’kikna a ngah uh hi. Mizawngte kiangah Lungdamna Thu kihilh hi.

Mattiu 15:30

Mi tampi a kiangah va tung uh a, khezawte, mittawte, mi pautheilote, mi cingtak lote a kipan, adang cinatna a vei khempeuh hong paipih-in Zeisu kiangah a nga uh hi.

Mattiu 21:14

Tua khit ciangin, mittawte leh khe-baite, biakna innpi sungah Topa kiangah a pai uh ciangin amaute a damsak hi.

Mattiu 8:3

Zeisu in a khut zanin lawng a, “Ka hih nuam hi, na dam ta in,” a cih leh, thakhatin a dam pah hi.

Johan 14:11

Pa sungah ka om a, Pa in kei sungah a om thu hong um in. Ahih kei leh zong ka bawl nalamdangte’ thu ngaihsunin hong um un.”

Johan 5:36

Ahih hangin Johan’ teci pan’na sangin teci pan’na a lianzaw ka nei hi. Bang ahi hiam na cih uh leh, nasepna ka zawh nading ka Pa in hong piak tu-a ka sepna thute in, Pa in kei hong sawl ahihna thu keima ading teci hong pang uh hi.