Mattiu 11:29 - Tedim Bible

²⁹ Keima hakkol na kisuan un la, kei kiangah kisin ta un. Bang hang hiam na cih uh leh, keimah in lungsim niam mi ka hi hi. Note in lungsim noptuamna zong na ngah ding uh hi.

Tedim Bible Revision 2017

²⁹ Keima hakkol zamin kisuan unla, kei kiangah hong kisin dih un. Kei pen kiniamkhiatin nem hithiat ka hih manin ka kiangah na tawl uh a dam ding hi.

Mattiu 11:29 Iomraidhean Croise

2 KHANG TANGTHU NIHNATE 10:11

Tu-in ka pa in note tungah hakkol gik hong koihna ah keimah in na hakkol uh ka behlap ding hi. Ka pa in ciang tawh note hong thuhilh hi; ahih hangin keimah in ciang ling nei tawh note kong thuhilh ding hi,’ ci in,” a ci uh hi.

Late 116:7

Lungmuang takin ka om ding hi; bang hang hiam cih leh kei tungah Topa hong thunuam hi.

Late 131:1

Topa aw, ka lungsim kiliansak nawn lo a, kei ka kihisak nawn kei hi; kei adingin a lian lua leh a lamdang luate ngaihsutin ka nei kei hi.

Paunak 3:17

Pilna in nuntakna hong nuamsak a, lungmuang takin hong omsak den hi.

Isaiah 28:12

Topa in note tungah tawlngakna leh lungnopna hong pia napi-in! note in ama thu na ngai kei uh hi.

Isaiah 29:19

Lungniamkhiat mite in Topa sungah lungdamna thak ngah ding uh a, Israelte’ Siangtho Pa’ sungah mizawngte lungdam ding uh hi.

Jeremiah 6:16

Topa in mite tungah, “Lamka bomah ding un la, khuadak un. Lam hoih ahi, lampi luite dong un la, tawn un. Na kha uh ading tawldamna na mu ding uh hi,” a ci hi. Ahih hangin amau in, “Ka tawn kei ding uh hi,” a ci uh hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Gamlak-vakna 12:3

Pasalpa Moses lungnem mahmah a, leitunga om mi khempeuh sangin lungnem zaw hi.

Mattiu 17:5

A dot lai takin meii ngo khat in amau tuam a, “Hihpa in, ka lung hong damsak ka it ka Tapa ahi hi. Ama thu na ngai ta un,” ci-in meii lakah aw khat a ging hi.

Mattiu 21:5

“En in, na Kumpipa, lungsimniam tawh, Lapi’ ta lano leh la tungah tuangin, Na kiangah hong pai ding hi,’ ci-in, Zion’ tanu kiangah na gen ding hi,” ci-in a gen hi.

Mattiu 28:20

Keimah in note kong piak thukham khempeuh a tan’ dingun na hilh ta un. Keimah in leitung a bei dongin note tawh ka omkhawm tawntung ding hi,” ci-in a vaikhak hi.

Mattiu 7:24

“Tua ahih ciangin, ka thuhilhna za a, a zuite khempeuh in suang tunga inn lam mipil tawh kibang ahi cih ka genteh ding hi.

Luka 8:35

Mite in bang thu piang hiam ci-in en dingin a kuankhia uh hi. Amaute in Zeisu kiang a tun’uh ciangin, dawi paikhiatnapa puan silhin mipil bangin Zeisu’ khe kiangah tu-in a om a mu uh a, a lungmang uh hi.

Johan 13:15

Bang hang hiam na cih uh leh, keimah in note tungah ka hih bangin note in na hih nadingun lim kong lak hi.

Johan 13:17

Tua nate thei-in na hih le-uh teh, thupha na ngah ding uh hi.

Sawltak 7:37

‘Pasian in na ute na naute lakah kei tawh kibang kamsangpa khat note ading kong piangsak ding hi,’ ci-in Israel mipawlte a genna mi in tua Moses ahi hi.

1 KORIN MASA 9:21

Pasian’ thukham zui lo bangin ka om loh hangin, Khazih’ thukham khut nuaiah om napi-in Thukham zui lote ka ngah nadingin, Thukham zui lo mite ading Thukham zui lo bang ka hi hi.

2 KORIN NIHNA 10:1

Note kiangah kiniamsak a, note tawh a kikhen ciangin a hang keimah Paul in Khazih’ lungnemna leh hehpihna tawh note kong thuum hi.

2 KORIN NIHNA 10:5

Tua hiamte tawh mi hanciamna ahi zongin, Pasian theihna pilna lang khatah a kiphasak ngaihsutnate ahi zongin khuplet gawpin, lungsim khempeuh manin khumcipin Khazih’ thu ka ngaisak uh hi.

Filippi 2:5

Khazih Zeisu sungah a om lungsim note sungah om ta hen:

1 THESALONIKA MASA 4:2

Topa Zeisu’ thuneihna tawh hih bang lamlahnate kong piak uh na thei uh hi.

Hebru 5:9

Tua bangin a kicin’na a tun’ khit ciangin a thumang khempeuhte ading gup tawntungna a bawl mi suak a,

1 JOHAN MASA 2:6

“Ama sungah ka om hi,” a ci mi in tua Zeisu’ gamtat bangin a gamta ding hi.