Mattiu 11:23 - Tedim Bible

²³ Kapernaum khuapi aw, vantung dongin minthan’na na ngah ding hiam? Nang in hel khua dongin na kiasuk ding hi. Bang hang hiam na cih leh, nangma sungah a kilak vangliatnate in Sodom khuapi sungah kilak ngei leh, tu-ni dongin a kip lai ding hi.

Tedim Bible Revision 2017

²³ Kapernaum khuapi mite aw, van a sangna munah hong kipahtawi ding sa na hi uh hiam? Hell khuk sungah hong kilawnsuk ding hi. Bang hang hiam cih leh noteʼ khua sunga hong kibawl nalamdangte, Sodom khua sungah kibawl hileh tu ni dongin tua khua kip lai ding hi.

Mattiu 11:23 Iomraidhean Croise

Piancilna 13:13

Tu-in Sodom mite mi gilo uh a, Topa’ tungah nakpi tak-a a khialte ahi uh hi.

Kah la 2:1

Topa in a heh manin khuamial tawh Jerusalem a tuamcip hi. A vantung minthan’na teng uh kisiatna a suaksak hi. Amah in a heh ni-in a Biakinnpi nangawn a susia hi.

Ezekiel 26:20

Tang lai-a a sisa mite tawh a teeng khawm dingin misite’ khua Leinuai-ah kong puak ding hi. Siatna a thuak tawntung lei nuai-a omte lakah kong koih ding a, a sisate tawh na om ding hi. Tua lai panin a hingte lakah a om kik dingin nong kik nawn kei ding hi.

Ezekiel 31:14

Tua ahih ciangin tu-a kipanin singkung khat beek, bang zahin tui a ngah hangin tua zahin khangin, a dawn in meiipi banin sang zo ngei nawn lo ding hi. Misite omna Leinuai khua a zuan ding a si thei mihingte mah bangin, singkung khempeuh a si ding ahi ta hi.

Ezekiel 32:18

“Ezekiel aw, Izipt mi tampite’ hangin kapin thuum in. Mi site’ omna Leinuai gamah a vanglian minam dangte tawh pai sak in. Amaute kiangah hih bangin ci in:

Ezekiel 32:24

“Elam zong a kimkotah a galkapte’ han tawh, tua lai mah-ah om hi. Amaute khempeuh gal sungah a si uh hi a, mi site gam Leinuai-ah Pasian a thei loin paisuk uh hi. A hin’ lai-un mi khempeuh a lausak ngeite hi uh a, ahi zongin tu-in amaute si-in mindai-in om uh hi.

Obadiah 1:4

Muvanlai bangin sangpi-ah lengin, aksite lakah bu na bawl hangun, No kong khiasuk veve ding hi, Topa in a ci hi.

Mattiu 10:15

Ke’n aman takpi kong cih-inah, thukhen ni ciangin tua khua in, Sodom leh Gomorrah khuate sangin a thuakzaw ding hi.”

Mattiu 16:18

Ke’n kong cih-inah, nang, Piter na hi hi. Hih suang tungah ka pawlpi ka lam ding hi. Hel khua kongkhakte in tua pawlpi a zo kei ding uh hi.

Mattiu 17:24

Kapernaum khua-ah a tun’ ciangin, biakna innpi siahdongte Piter kiangah pai uh a, “Na Siapa in biakna innpi siah hamu liau lo ahi hiam?” ci-in a dot ciangin,

Mattiu 4:13

Nazareth khua khengin Zebulun gam leh Naftali gam kikalah, tuili tawh kinai Kapernaum khua-ah tungin a teeng hi.

Mattiu 8:5

Zeisu in Kapernaum khuapi-ah a tum ciangin galkap mangpa khat in a kiangah va nai a,

Luka 10:15

Nang Kapernaum khuapi aw, vantung khua dongin minthan’na na ngah ding hiam? Nang in hel khua dongin na kiasuk ding hi.

Luka 14:11

Bang hang hiam na cih uh leh, ama pumpi a phat mi khempeuh in niamkhiatna a ngah ding uh hi. A kiniamkhiat mi in minphatna a ngah ding uh hi,” a ci hi.

Luka 16:23

Sumhaupa zong si a, a kivui hi. Meikuang sungah gimna nakpi a thuak lai takin a khuadak leh, Abraham leh Abraham’ ang ah Lazaras a om gamlapi panin a gal muh hi.

Luka 4:23

Zeisu in, “A tel takpi-in note in, ‘Zatopa aw, nangmahmah na kidamsak in. Kapernaum khua-ah na bawlna khempeuh kote in ka zak bangun, nangma gamah zong bawl in,’ ci-in thugentehna tawh kei kiangah nong ci ding uh hi.

Sawltak 2:27

Bang hang hiam i cih leh, nangmah in ka Kha, Sihna gam sungah na nusia kei ding hi. Na Misiangtho zong muatna na thuaksak kei ding hi.

Juda 1:7

Tua mah bangin Sodom leh Gomorrah khuapi akipan a kimkot ah a om khuapite zong tua mite bangin a kihhuai noptatna ah gamta-in, a man lo pumpi’ deihna lungsim zui uh ahih maninah, meikuang tawntung daan thuakin, thu hilhkholh nading lim ahihna uh a kilang hi.

Mangmuhna 1:18

Nidang lai-in ka sih ngei hangin tu-in en in, a tawntungin ka nungta a,! sihna leh sihna gam konghon’na ka nei hi.

Mangmuhna 11:8

Amaute luangte zong a Topa uh singlamteh tungah a sihna khuapi ahi, a khiatna in Sodom leh Izipt a kici khuapi sungah a om lampi tungah a om uh a,

Mangmuhna 20:13

Tua lai takin tuipi in a sungah a om mi site a puak hi, Sihna leh Sihna Gam in a sung uhah a om mi site a puak uh a, mi khempeuh in a gamtatnate bangin thukhenna a thuak uh hi.

Mangmuhna 6:8

Tua sakol tung tuang mi’ min in Sihna hi a, Hel gam in amah tawh a tonkhawm hi. Leitung seh li suah seh khat namsau tawh, kialpi tawh, pulnatna tawh, leitung gam sahangte tawh thah theihna thu amaute a pia hi.