Mattiu 11:21 - Tedim Bible

²¹ “Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.

Tedim Bible Revision 2017

²¹ “Khorazin khuapi mite le Bethsaida khuapi mite aw, gimna lianpi na thuak ding uh hi. Bang hang hiam cih leh note khua sungah a hong kilak nalamdangte, Taia le Sidon khua sungah kilak hileh amaute in kisikna limin sawtpekin puanhampi silhin vut kinuh ding uh hi.

Mattiu 11:21 Iomraidhean Croise

JOB (Job) 42:6

Tua ahih ciangin ka paunasate khempeuh hangin ka maizum a, tu-in vut leh vai khu-in nakpi takin ka kisik hi,” a ci hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Joel 3:4

“Tai-ar khua, Sidon khua, leh Filistia gam khempeuh aw, kei bang hong cih nuam-a kinei na hi uh hiam? Bang khat peuh hangin hong thukkik nuam-a kinei na hi uh hiam? Kei a hong thukkik na hih leh, kei zong manlang takin kong thukkik pah ding hi.

Amos 1:9

Topa in hih bangin ci hi: Tai-ar khuamite a khialh kikkik nilohna hangun pel loin amaute daan ka tat ding hi. Bang hang hiam cih leh amaute in, minam bup khat Edom mite tungah ap uh a, lawmta dinga a thuciamna uh zui lo uh hi.

Mattiu 11:22

Ke’n aman takpi kong cih-inah thukhen ni ciangin, note in Tai-ar khuapi leh Sidon khuapi sangin na thuak zaw ding uh hi.

Mattiu 15:21

Zeisu in tua mun pan paikhia a, Tai-ar khua leh Sidon khua nai lamah a pai ciangin,

Mattiu 18:7

“Puk nading om ahih ciangin, leitung mite in gimna a thuak ding uh hi. Bang hang hiam na cih uh leh, puk nading thu a om hi. Ahih hangin, a puksakpa in gimna a thuak ding hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Marka 3:8

Judah gam pan, Jerusalem khuapi pan, Idumia gam pan, Jordan gun gal khat pan, Tai-ar leh Sidon khua kim pan kipan mi tampite in Zeisu’ bawlna thu khempeuh a zak uh ciangin a kiangah a pai uh hi.

Marka 6:45

Zeisu in mihonte a paikhiatsak lai takin, a nungzuite gunkuang ah thakhatin tuangsakin, a gal khat Bethsaida khua-ah ama mai-ah a paisak hi.

Marka 7:24

Zeisu tua mun pan tho a, Tai-ar leh Sidon khua nai lamah a pai ciangin, inn khatah lut a, kuamah in a theih loh nading a ut hangin bu-in a kiseel zo kei hi.

Marka 7:31

Zeisu in Tai-ar gam pan paikhia a, Sidon gam a paltan khit ciangin, Dekapolis gam paisuakin Galile tuili a tung kik hi.

Marka 8:22

Amaute in Bethsaida khua-ah a tun’ uh ciangin, mittaw mi khat a kiangah hong paipih uh a, tua pa a lawn’ nadingin a thuum uh hi.

Luka 4:26

Tua meigong khat beek kiangah Elijah a sawl kei hi. Sidon gam Zarephat khua a, meigong khat kiang bekah a sawl hi.

Luka 6:17

Zeisu in amaute tawh mual tung pan kumsuk khawm a, mun zangah a ding hi. Thu ngaih nading ahi zongin, cidamna ngah nading ahi zongin, Judah gam pan akipan, Jerusalem khuapi pan, Tai-ar leh Sidon khua tuipi gei pan, mi tampite leh ama nungzuite tampite zong hong pai uh hi.

Luka 9:10

Sawltakte in Zeisu kiangah a paikik uh ciangin, ahihna thu khempeuh a zasak uh hi. Zeisu in amaute paipih a, gam daihna Bethsaida kici khua khatah a tung uh hi.

Johan 1:44

Filip in Andru leh Piter-te’ teen’na khua Bethsaida khuami ahi hi.

Johan 12:21

Tua ahih ciangin tuate in Galile gam Bethsaida khuami Filip kiangah va pai uh a, “Zeisu ka mu nuam uh hi, lawm aw,” ci-in a gen uh hi.

Sawltak 12:20

Herod kumpipa in Tai-ar leh Sidon khuapihte tungah heh a, amaute in a lungsim kikhatin ama kiangah a pai uh a, mangpa’ thu vaihawmpipa Blatas amau lawma a mat khit uh ciangin kilemna thu a gen uh hi. Bang hang hiam i cih leh, amaute gam in kumpipa gam panin an a ngah uh hi.

Sawltak 27:3

A zing ciangin Sidon khua ka tun’ uh ciangin, ama lawmte kiangah pai-in an vakna a ngah theih nadingin Julias in Paul hehpihin thu a pia hi.

Juda 1:11

Amaute in gimna a thuak ding uh hi. Bang hang hiam na cih uh leh, amaute in Kain’ lampi zui-in thaman ngah dingin Balaam’ mawhna a manlangin zui-in a delh uh a, Korah’ lehdona bangin a kisia uh hi.

Mangmuhna 11:3

Ka teci nihte zong thu ka pia ding a, amaute in khautang puan silhin ni tul khat, zanih leh sawmguk dongin kamsangte bangin thu a hilh ding uh hi,” hong ci hi.

Mangmuhna 6:12

Tuuno in gukna ciamtehna hon’ khit ciangin ka en a, nakpi-in zin a liing hi. Ni in samul tawh kigan puan bangin vom-in a suak hi. Kha in zong sisan bangin a piang hi.