Mattiu 11:11 - Tedim Bible

¹¹ Ke’n aman takpi kong cih-inah, numei sung pan a suakte lakah Baptaizpa Johan sanga lianzaw khat beek a om kei hi. Ahih hangin Vantung Gam sungah a neupen in tuapa sangin a lianzaw hi.

Tedim Bible Revision 2017

¹¹ Leitung mi khempeuh sung pan Tuiphumpa Johan a lian pen ahi hi. Ahi zongin vantung ki-ukna sungah a neu pen i cihte nangawn Johan sangin lian zaw lai hi.

Mattiu 11:11 Iomraidhean Croise

JOB (Job) 14:1

“Mihingte a nuntak hun tom a, lungkhamna tawh kidim hi.

JOB (Job) 14:4

Mihing banga a ninte sung panin a siang bangmah hong piang lo ding hi.

JOB (Job) 15:14

Mihing-a piang peuhmah paubaang loin siangtho taktak zo ding ahi hiam? Pasian’ tungah a thuman zo kua om ding ahi hiam?

JOB (Job) 25:4

Pasian’ muhna-ah kua dik zo ding a, kua siangtho zo ding ahi hiam?

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

Isaiah 30:26

Tua tham loin, Topa in ama mite’ liamna tuamin ama satna meimate a damsak ni ciangin kha taang pen ni taang bang ding a, ni taang pen ni sagih sunga taang zah bangin a zah sagih-in taang ding hi.

Zekhariah 12:8

Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Mattiu 11:10

Lai Siangtho sungah a kigelh bangin: ‘En in, na pai nading lam sial ding, Na mai-ah ka sawltakpa ka paisak ding hi,’ a cihna in tua mipa a cihna ahi hi.

Mattiu 11:12

Baptaizpa Johan pan akipan tu dongin Vantung Gam in zawhthawh bawlna thuak a, a zawhthawh bawlte in gam a sut uh hi.

Mattiu 3:1

Tua lai takin Baptaiz-pa Johan hong kilang a, “Vantung Gam a hong nai zo hi.

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Mattiu 5:19

Tua ahih ciangin, mi khatpeuh mah in Thukham a neupen khial a, midangte zong hilh a, a khialhsak leh, tua mi, Vantung Gam sungah mi neupen a kici ding hi. Mi khatpeuh mah in thukham zui a, midangte hilh a, a zuih sak leh, tua mi, Vantung Gam sungah milian a kici ding hi.

Luka 1:15

Bang hang hiam na cih leh, tua tapa in Topa mai-ah milian ahi ding hi. Amah in leenggahtui leh zu neukha beek dawn loin, a nu gil sung pan akipan Kha Siangtho tawh a kidim ding hi.

Luka 7:28

Ke’n kong cih-inah, numei sung pan a suakte lakah Johan sangin a lianzaw khat beek a om kei hi. Ahih hangin, Vantung Gam sungah mi neupen in tuapa sangin a lianzaw hi,” a ci hi.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Johan 1:15

Johan in ama ading teci pangin a kikona in, “Ka nungah hong paipa in kei om ma-in om ahih ciangin, kei sangin a lianzaw hi, kong cihna in hih pa ahi hi,” ci-in a kiko hi.

Johan 1:27

Ama khedap khau phel ding nangawnin ka kilawm kei hi,” a ci kik hi.

Johan 10:41

Mi tampite a kiangah va pai uh a, “Johan in nalamdang a lah loh hangin hih mi thu Johan in a genna khempeuh a man hi,” a ci uh hi.

Johan 3:30

Tua pa in lian semsem ding a, kei ka kiam semsem ding hi,” a ci hi.

Johan 5:35

Amah in kuanga a taang meivak hi a, note in ama khuavakna-ah tawlkhat nopsak ding bek na ut uh hi.

Johan 7:39

Tua bang a cihna in a umte’ ngah ding Kha Siangtho a cihna ahi hi. Bang hang hiam i cih leh, Zeisu in minthan’na ngah nai lo ahih ciangin Kha Siangtho a kipia nai kei hi.

1 KORIN MASA 15:9

Keimah in a beisa hunin Pasian’ pawlpite a bawlsiapa ka hih ciangin a neubel sawltak ka hi a, sawltak kici dinga kilawm ka hi kei hi.

1 KORIN MASA 6:4

Tua ahih ciangin leitung thu na khen ding uh leh, pawlpi sungah mi ginalote thukhen ding za-ah bang hangin na koih uh hiam?

Efesa 2:3

Tua mite tawh eite khempeuh in zong nidang lai-in i ci-le-sa deihna ah lungsim deihna zui-in, si-le-sa deihna bangin gamta-in i om a, adang mite bangin ngeina bangin a hehna a thuak mi i hi hi.

2 TIMOTI NIHNA 1:10

Tua hehpihna thupha in eite hong Gumpa Topa Zeisu Khazih hong kilatna hangin tu-in a kilang zo hi. Tua Topa in sihna mangthang sak a, nuntakna leh a kisia thei lo nuntakna, Lungdamna Thu hangin hong langsak hi.

Hebru 11:40

Bang hang hiam na cih uh leh, tua mite eite tawh loin, kicin’na a tum loh nadingun Pasian in eite ading a phazaw na a ciamteh hi.

1 PETER MASA 1:10

Tua gupkhiatna thu kamsangte in a tel takin dongin, zongin, note tungah a hong piak ding thupha hehpihna a hilhkhol uh a,

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.