Mattiu 10:7 - Tedim Bible

⁷ Na pai uh ciangin, ‘Vantung Gam hong nai zo hi,’ ci-in na hilh un.

Tedim Bible Revision 2017

⁷ Na paina peuh uh ah, ‘Vantung ki-ukna hong nai ta hi,’ ci-in thu va hilh un.

Mattiu 10:7 Iomraidhean Croise

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Mattiu 10:8

Cinate na damsak un, misite na hing kiksak un. Miphakte na dam sak un. Dawite na hawlkhia un. Man piak lohin na ngah uh bangin, man sang loin na pia un.

Mattiu 11:1

Zeisu in a nungzui sawm leh nihte tua bangin a vaikhak khit ciangin, khua sungah thu gen ding, thu hilh dingin tua mun pan a paikhia hi.

Mattiu 21:31

Tua tate gel koi pen in a pa’ deihna banga ta ahi hiam?” ci-in a dot ciangin amaute in, “A tapa upa pen a ta hi,” a ci uh hi. Zeisu in, “Ke’n aman takpi kong cih-inah, phiangsiah dongte leh numei gilote in Pasian Gam sungah note sangin a lut masa zaw ding uh hi.

Mattiu 21:43

Tua ahih ciangin, ke’n kong cih-inah Pasian Gam note kiang pan kilakhia ding a, tampi gah a gahsak thei mipawl dangte kipia ding hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Marka 6:12

Tuate paikhia uh a, mite mawhna kisik nading thuhilhin,

Luka 16:16

‘Johan hong pai dongin Pasian’ Thukham leh Pasian’ kamsangte thu akipanin Pasian’ Gam Lungdamna Thu kihilh a, mi khempeuh in tua gam sungah zawhthawh bawlin a lut nuam uh hi.

Luka 9:2

Tuate in Pasian’ Gam thu hilh ding ahi zongin, cinate damsak ding ahi zongin a sawl hi.

Luka 9:6

Amaute paikhia uh a, Lungdamna Thu hilhin, cinate damsakin, khuapi leh khuaneute ah a pai kawikawi uh hi.

Luka 9:60

Zeisu in, “Misite in amau misite na vui ta hen. Nang na hih leh, pai in la, Pasian’ Gam’ thu na hilh in,” a ci hi.

Johan 3:2

Tua pa zan lai takin Zeisu kiangah pai a, “Rabbi aw, nangmah in Pasian kiang pan hong pai thuhilhpa na hi cih kote in ka thei uh hi. Bang hang hiam na cih leh, na bawl nalamdangte Pasian in nangmah tawh a omkhawm kei leh, kuamah in a bawl thei kei ding hi,” a ci hi.

Sawltak 10:25

Piter a tum ciangin Kornelias in dawn a, a khe mai-ah bokin a bia hi.

Sawltak 28:31

Nawngkaina khat beek om loin, nop takin Pasian’ Gam thu gen a, Topa Zeisu Khazih’ thu a hilh hi.

Sawltak 4:2

sawltakte in mite kiangah thu a hilh uh a, Zeisu hangin sihna pan thawhkikna thu a hilh manunah a lungmang uh hi.