Mattiu 10:40 - Tedim Bible

⁴⁰ “No hong ngaite in kei hong ngai hi. Kei hong ngaite in kei hong sawlpa zong a ngai hi.

Tedim Bible Revision 2017

⁴⁰ “Na thugen uh a hong sangte in keiʼ thu a hong sang hi a, kei a hong sangte in kei a hong sawl pa zong a sang ahi uh hi.

Mattiu 10:40 Iomraidhean Croise

1 KUMPI MASATE 18:4

Jezebel in Topa’ kamsangte a hon thah lai-in Obadiah in kamsang za khat la-in sawmnga sawmnga-in leihawm sungah seel a, amaute an leh tui tawh vaak hi.)

Jeremiah 39:17

Ahih hangin Topa in kong cih-inah, tua ni ciangin nang kong honkhia ding a, na kihtak mite’ khut sungah hong kipia kei ding hi.

Mattiu 18:5

Keima min hangah hih bang naupangno khat a ngai peuhmah in kei zong hong ngai hi.”

Mattiu 25:40

Kumpipa in, ‘Ke’n aman takpi kong cih-inah, note in ka sanggamte ahi hih mineupen khat tungah na bawl uh ciangin, kei tungah zong hong bawl na hi uh hi,’ a ci ding hi.

Mattiu 25:45

Kumpipa in, ‘Ke’n aman takpi kong cih-inah, hih mite laka a neupen khat tungah na bawl loh uh ciangin, kei tungah zong hong bawl lo na hi uh hi,’ a ci ding hi.

Marka 9:37

“Keima min tawh hih bang naupangno khat a ngai peuhmah in, kei zong hong ngai hi. Kei hong ngai peuhmah in, kei hong sawlpa zong a ngai hi,” ci-in a gen hi.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Luka 9:48

“Keima min tawh hih naupangno a ngai peuhmah in, kei zong hong ngai hi. Bang hang hiam na cih uh leh, note lakah a neu penpa in milian ahi ding hi,” a ci hi.

Johan 13:20

Ke’n aman takpi kong cih-inah, ka sawlpa a ngai mi in kei zong hong ngai hi. Kei hong ngai mi in kei hong sawlpa zong a ngai hi,” a ci hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Johan 5:23

Thukhen nading thu khempeuh Tapa a pia hi. Tapa a zahtak lo mi in Tapa a sawlpa zong a zahtak kei hi.”

2 KORIN NIHNA 5:20

Tua ahih ciangin kote in Khazih tang ding sawltak ka hi uh hi. Note in Pasian tawh na kilem un ci-in Pasian in kote tungah hong hansuah mah bangin kote in zong Khazih tang ding kong thuum uh hi.

Galati 4:14

Keima sungah a om note thuak ze-etna note in ngaihsun loin, nial loin Pasian’ vantungmi bang ka hi zongin, Khazih Zeisu bang ka hi zongin, na hong sang uh hi.

1 THESALONIKA MASA 4:8

Tua ahih ciangin hih thu a nial mi in mi bek nial ahi kei hi, note Kha Siangtho a hong pia Pasian nial ahi hi.

2 JOHAN NIHNA 1:9

Khazih’ thuhilhna-ah kip loin a zui khial mi in Pasian a nei lo mi ahi hi. Khazih’ thuhilhna-ah a kip mi in Pa leh Tapa a nihin a neikhawm hi.