Mattiu 10:36 - Tedim Bible

³⁶ Mi khat adingin ama innkuanpihte mah a gal hong suak ding hi.

Tedim Bible Revision 2017

³⁶ Mi khat adingin a gal lian penpen ama innkuan pih mite mah hong hi ding hi.

Mattiu 10:36 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

2 SAMUEL NIHNA 16:11

Tua ciangin David in Abishai leh a nasemte khempeuh kiangah, “En un, keima tapa mahmah in kei thah dingin hong zong hi; hih Benjamin mi in bangzahin tu-in hong zong zaw ding hiam! Ama thu-in omsak un, amah samsia sak un; bang hang hiam cih leh Topa in amah sawl hi.

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Late 55:13

Ahih hangin, ka kikimpih, ka kikholhpih, ka lawm theih mahmah, nangmah na hi hi.

Isaiah 19:2

Izipt mite amau leh amau ka kitawngsak ding hi, mi kim in sanggam khat leh khat ama vengte ciat do ding a, khua khat leh khua khat kido-in, mi khat leh khat, kumpigam khat leh khat kumpi-za kituh ding hi;

Jeremiah 12:6

Bang hang hiam cih leh na sanggamte leh na innkuanpihte nangawn in nang hong zuak uh a, nang hong do ding mi honpi a kaikhawm uh hi. Kamkhum tawh nang a hong zol uh hangin um kei in,” ci-in hong dawng kik hi.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Micah 7:6

Tu hunin tapate in pate hai bawlin, tanute in nute langpan’ uh a, mote in a teeknu uh lang neih uh hi. Mi khat adingin ama innkuanpihte mah a gal suak mawk hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Johan 13:8

Piter in “Ka khe cikmah hunin na sil kei ding hi,” a cih ciangin Zeisu in, “Nang kong sil kei leh, kei tawh na kipawl thei kei ding hi,” ci-in a gen hi.

1 SAMUEL MASA 17:28

Tu-in amah in mite kiangah thu a gen ciangin ama u a upapen Eliab in za hi; David tungah Eliab heh mahmah a, amah in, “Bang hangin hong paisuk na hi hiam? Tua tuu tawm khatte gamlakah kua tawh nusia na hi hiam? Na kihai-muan’na leh na lungsim gitlohna ka thei hi; bang hang hiam cih leh gal kidona mu dingin nong paisuk hi,” a ci hi.