Mattiu 10:33 - Tedim Bible

³³ Mite mai-ah hong nial peuhmah, vantungah ka Pa mai-ah ke’n zong ka nial ding hi.”

Tedim Bible Revision 2017

³³ Ahi zongin keima mi ahihna thu miteʼ theihin a gen khia nuam lote, kei zong vantungah ka Paʼ mai ah keima mi ahihna thu ka gen khia nuam kei ding hi.

Mattiu 10:33 Iomraidhean Croise

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.

Marka 14:30

Zeisu in, “Ke’n aman takpi kong cih-inah, tuzan aak nihvei a khuan’ ma-in thumvei na hong nial ding hi,” a ci hi.

Marka 14:72

Tua phetin nihveina aak a khuang hi. Piter in, “Aak nihvei a khuan’ ma-in thumvei nong nial ding hi,” Zeisu in a cihna thu phawk a, a ngaihsut ciangin a kap hi.

Marka 8:38

Mi paktat leh gilo hih khang mite lakah, kei ahi zongin, ka thu ahi zongin a daisak peuhmah Mihing Tapa in zong a Pa minthan’na leh a siangtho vantungmite tawh hong paikhawm uh ciangin, tua mite a daisak ding hi.”

Luka 12:9

Mite mai-ah hong nialte Pasian’ vantungmite mai-ah kinial ding hi.

Luka 22:57

Piter in, “Numei aw, tua pa ke’n ka thei kei hi,” ci-in a nial hi.

Luka 9:26

Keimah hang ahi zongin, ka thu hang ahi zongin a maizum peuhmah, Mihing Tapa in ama phatna, Pa phatna leh a siangtho vantungmite’ phatna tawh hong pai ciangin, tua mi a maizumsak ding hi.

2 TIMOTI NIHNA 2:12

I thuak leh, amah tawh i maangkhawm ding hi. Eite in amah i nial leh, Amah in eite hong nial ding hi.

2 PETER NIHNA 2:1

Ahih hangin mite lakah kamsang zuau hong piang mah bangin a kikhenthang thei up khialhna ngeina, kheemna tawh guangin, amau pumpi uh a lei Topa nangawn nialin, amau tungah a manlangin kisiatna a tungsak thu zuau hilh siate in note lakah zong a om ding uh hi.

1 JOHAN MASA 2:23

Ta a nial mi in Pa a nei kei hi. Ta a mang mi in Pa zong a nei hi.