Mattiu 10:28 - Tedim Bible

²⁸ Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Tedim Bible Revision 2017

²⁸ Pumpi a thah khit ciangin kha a that thei lote na kihta kei un. Hell khuk sungah pumpi le kha a nihin a susia thei pa na kihta zaw un.

Mattiu 10:28 Iomraidhean Croise

2 KUMPI NIHNATE 17:39

ahih hangin Topa na Pasian uh na kihta ding uh hi; tua ciangin amah in na galte khempeuh uh khut sung panin note hong honkhia ding hi,” a ci hi.

JOB (Job) 37:24

Tua ahih manin mi khempeuh in amah a zahtakna, mipil a kisate amah in a don lohna, lamdang sak ding hilo hi,” a ci hi.

Late 119:120

Nang kong zahtakna-in ka khuasikmul suak a, na thukhennate ke’n ka zahtak hi.

Thuhilh-sia 5:7

Mang tam man leeng a mawkna mah tam a, kam tam pau leeng zong a kituak mahin a mawkna thu mah kibeh laplap hi; bangbang ahi zongin Pasian zahtak lai veve in.

Isaiah 51:12

“Kei, keimah in note hong hehnempa ka hi hi; lopa bang ahi, a si thei mi, mihing tate lellelte bang hangin kihta na hi uh hiam?

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 66:2

Hih nate khempeuh keima khut in a bawlsa hi a, tua ahih ciangin hih nate khempeuh kei’ aa ahi hi, Topa in ci hi. Ahih hangin, kiniamkhiatin kha lamah lungsim a kitamzan mipa, keima thu-ah lau-in a liing kelkelpa pen keima deih mipa ahi hi.

Jeremiah 5:22

Kei hong kihta lo na hi uh hiam? Topa in kong ci hi. Ka mai-ah liing lo na hi uh hiam? Tuipi mongah sehnel keima’ koih hi-a, tui ka dal sak tawntung hi. Tuihualte in a lawhlawh hangin zozo lo uh a, a gin’ zuazua uh hangin kantan zo tuan lo uh hi.

Mattiu 10:26

“Tua ahih ciangin, amaute na kihta kei un. Bang hang hiam na cih uh leh, a kilak lo dinga kisincip bangmah om lo hi. A kithei lo dinga bu bangmah om lo hi.

Mattiu 25:46

Tua mite in tawntung gimna thuak dingin a paikhia ding uh hi. Miphate ahih uh leh, nuntak tawntungna ngah dingin a paikhia ding uh hi,” ci-in thu a hilh hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Johan 5:29

A pha-a gamtate in nuntakna ngah dingin hong thokik ding uh a; a sia-a gamtate in thukhenna thuak dingin hong thokik ding uh hi.”

Sawltak 21:13

Paul in zong, “Bang dingin kapin ka lungsim kizan nading na hih uh hiam? Topa Zeisu’ min hangin Jerusalem khua-ah kihen tham loin, sihna nangawn thuak dingin ka omkhol hi,” a ci hi.

Hebru 10:31

A nungta Pasian khut sungah puk nading thu in a lauhuai taktak thu ahi hi.

Hebru 11:35

Numeite in sihna pan thokikin amau misite a ngah kik uh hi. Kimkhat in a phazaw thawhkikna a ngah nadingun suahtakna sang loin nakpi satna a thuak uh hi.

Jeim 4:12

Thukham a pia mi leh thukhen mipa khat bek a om hi. Tua pa in gup ding ahi zongin, siatsak ding ahi zongin a hih thei hi. Na lawmte tungah thu a khen nang in kua mi na hi hiam?

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.