Mattiu 10:26 - Tedim Bible

²⁶ “Tua ahih ciangin, amaute na kihta kei un. Bang hang hiam na cih uh leh, a kilak lo dinga kisincip bangmah om lo hi. A kithei lo dinga bu bangmah om lo hi.

Tedim Bible Revision 2017

²⁶ “Tua ahih manin kuamah kihta kei un. A kiseelte khatvei teitei kimu dinga, thusimte khatvei teitei thulang suak ding hi.

Mattiu 10:26 Iomraidhean Croise

Paunak 10:9

Thuman mite lungnuamin om hithiat a, thuman lote kiman hi.

Paunak 28:1

Kuama delh lopi-in migilote taimang a, mi thumante ahih leh humpinelkai bangin hang uh hi.

Paunak 29:25

Midangte kihtakna in hong lunghimawhsak a, Topa muan’na in hong lungmuangsak hi.

Thuhilh-sia 12:14

Apha hita leh asia hita leh, a simtham-a i hih simte nangawn, i hihna khempeuh ah, Pasian in thu hong khen ding hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Isaiah 41:14

Lungno bang ahi lel Jakob, Israel mite aw, lau kei un! Note kong huh ding hi, Topa in ci hi; note hong Tanpa in Israelte’ Siangtho Pa ahi hi.

Jeremiah 1:8

Amaute kihta kei in, bang hang hiam cih leh nangmah hong dal dingin kong ompih hi, Topa in kong ci hi,” hong ci hi.

Ezekiel 2:6

Ahi zongin Ezekiel aw, amaute ahi a, a thugente uh ahi zongin na kihta kei ding hi. Amaute in nang ling hong kaihnelh ding a, mom-ai laka om na bang ding hi. Tua bang hita se leh, hih a lehdo thei mite’ maipuakzia leh amaute’ kampaunate hangin lau tuan kei in.

Mattiu 10:28

Pumpi a thah theih hangin kha a that zo lote na kihta kei un. Pumpi leh kha hel khua sungah a khul zopa na kihta zaw un.

Marka 4:22

A kilak ding longal, a kibu bangmah om lo hi. A kilang ding longal, a ki-im bangmah om lo hi.

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Luka 8:17

Bang hang hiam na cih uh leh, a kipholaak lo ding thusim bangmah om lo hi. Khuavak in taan’ in, a kithei lo dinga a kiseelsim thei bangmah om lo hi.

Sawltak 1:8

Ahih hangin Kha Siangtho in nomau tungah hong kumsuk khit ciangin vangliatna na ngah ding uh a, Jerusalem khua-a kipan Judah gam, Samaria gam khempeuh leh leimong dongin ka teci na hi ding uh hi,” a ci hi.

Sawltak 4:13

Amaute in Piter leh Johan’ han’na mu uh a, lai siam lo, pilna hau lo ahih lam uh a theih uh ciangin lamdang a sa uh a, Zeisu tawh a omkhawm ngei zo uh hi ci-in a phawk uh hi.

Sawltak 4:19

Piter leh Johan in, “Topa’ thu sangin note’ thu ngaih ding Pasian mai-ah a kilawm zaw hiam, kilawm lo zaw hiam cih note in thu na khen ta un.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

1 PETER MASA 3:14

Thuman thutak hangin gimna na thuak uh leh, thupha na ngah ding uh hi. Amaute’ tawn’na na lau kei un, na lungmang kei un.