Mattiu 10:23 - Tedim Bible

²³ Khua khatah note hong bawlsiat uh leh, khua khatah na tai un. Ke’n aman takpi kong cih-inah, Israel khua khempeuh na vak kim khit ma-un Mihing Tapa hong pai ding hi.”

Tedim Bible Revision 2017

²³ Khua khat ah note hong kibawlsiat leh khua dang khat ah tai un. Note kiangah kong genin ah: Israel khua khempeuh na khit ma-un Mihing Tapa hong pai ding hi.

Mattiu 10:23 Iomraidhean Croise

Jeremiah 26:21

Jehoiakim kumpipa leh a galkapmang khempeuh leh kumpi ulian khempeuhte in ama’ thugente a zak uh ciangin kumpipa in thah dingin a zong hi. Ahih hangin Uriah in tua thu a zak ciangin lau-in Izipt gamah a taisim hi.

Mattiu 16:27

Mihing Tapa in, a Pa vangliatna nei-in, vantungmite tawh hong paikhawm ding hi. Tua ciangin mi khempeuh a gamtatna ciat uh bangin a thuksak ding hi.

Mattiu 16:28

Ke’n aman takpi kong cih-inah, Mihing Tapa, ama Gam sungah hong pai kik, hih san takah a ding mi kimkhat in a muh matengun a si kei ding uh hi,” ci-in a nungzuite kiangah a gen hi.

Mattiu 2:13

Tua mite a pai khit uh ciangin Pasian’ vantungmi khat in Josef’ mang sungah kilang a, “Tho in, naupangno leh a nu sam in la, Izipt gamah taipih in. Ka hong hilh kik matengin tua gamah va om in. Herod kumpipa in naupang that nuamin a zong ding hi,” a ci hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Mattiu 23:36

Ke’n aman takpi kong cih-inah, hih thu khempeuh in hih khang mite tungah a tung ding uh hi.”

Mattiu 24:27

Bang hang hiam na cih uh leh, khuaphialep in nisuahna lam pan phia a, nitumna lam dongin a taang mah bangin, Mihing Tapa hong kumna a piang ding hi.

Mattiu 24:30

Tua lai takin van panin Mihing Tapa’ lim a kilang ding hi. Leitung minam khempeuh a kap ding uh a; vangliatna leh minthan’na tawh, Mihing Tapa in meii tungah tuanga hong kumsuk a mu ding uh hi.

Mattiu 24:34

Ke’n aman takpi kong cih-inah, hih khang mite a beima-in, hih thu khempeuh hong piang ding uh hi.

Mattiu 24:48

Ahi zongin nasem gilopa khat in, ‘Ka topa hong pai hak ding hi,’ ci-in a lungsim sungah ngaihsun a;

Mattiu 25:13

Tua ahih ciangin, a ni ahi zongin, a hun ahi zongin, thei lo na hih uh ciangin ngak ta un.”

Mattiu 26:64

Zeisu in, “Nang gen bangin ka hi hi. Tua tham loin, ke’n kong cih-inah, tunung ciangin Mihing Tapa in Vanglian Pa’ ziat lamah tu a, meii tungah hong tuangsuk note in na mu ding uh hi,” a ci hi.

Mattiu 4:12

Johan’ kimatna thu Zeisu in a zak ciangin, Galile gamah pai a,

Marka 13:26

Tua lai takin, vangliatna leh minthan’na tawh Mihing Tapa meii tungah hong kumsuk a mu ding uh hi.

Luka 18:8

Ke’n kong cih-inah, amaute ading thu a khensak mengmeng ding hi. Ahih hangin Mihing Tapa hong kum ciangin leitungah upna a mu ding hiam?” a ci hi.

Luka 21:27

Tua lai takin vangliatna leh minthan’na tawh, Mihing Tapa in meii tungah hong kumsuk a mu ding uh hi.

Johan 7:1

Tua nung ciangin Zeisu Galile gam sungah a vak hi. Bang hang hiam i cih leh, Judah mite in Topa thah dingin zong uh ahih ciangin, Judah gam sungah vak ding a ut kei hi.

Sawltak 17:10

Ute naute in Paul leh Silas zan lai takin Berea khua-ah thakhatin a paisak uh hi. Tua khua-ah a tun’ uh ciangin Judah mi kikhopna innah a tum uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

Sawltak 20:1

Tua gamlumna a bei khit ciangin Paul in nungzuite sam a, a hansuah khit ciangin, amaute tawh kikhenin Makedonia gamah a pai hi.

Sawltak 8:1

Saul in Stefen sih nading a thukim hi. Tua lai takin Jerusalem khua-ah a om pawlpite nakpi-in bawlsia uh a, sawltakte sim loh thu-um midangte khempeuh in Judah gam leh Samaria gam mun khempeuh ah a kithehthang uh hi.