Mattiu 10:17 - Tedim Bible

¹⁷ Mite na kikeem un. Bang hang hiam na cih uh leh, amau in upa vaihawmte thukhenna inn sungah kikhopna inn sungah note hong sat ding uh hi.

Tedim Bible Revision 2017

¹⁷ Mi pawl khatte in note hong manin zumah hong paipih ding uh a, amauteʼ kikhopna inn sungah hong sat gawp ding uh ahih manin hoihtakin kidawm un.

Mattiu 10:17 Iomraidhean Croise

Micah 7:5

Na vengte’ thu up-in nei kei in la, na lawmte zong muan’in, nei kei in. Na ang-a lum na zi kiang nangawn ah thu na gen ding kidawm in.

Mattiu 10:18

Tuate akipan Gentailte mai-ah teci-in na pan’ nadingun, mangte leh kumpite mai-ah keima hangin note hong paipih ding uh hi.

Mattiu 20:19

Amaute in amah a sih nading thu a khen khit uh ciangin, zahko-in sat uh a, singlamteh tungah thah dingin Gentailte’ khut tungah a pia ding uh hi. Ni thum ni-in a thokik ding hi,” a ci hi.

Mattiu 23:34

Tua ahih ciangin, kamsangte, lungpilte, laitheite, na omna uhah kong sawl ding hi. Note in tuate kimkhat na that ding uh a, kimkhat singlamteh tungah na khai ding uh hi. Kimkhat na kikhopna inn sung uhah na sat ding uh a, khua khat pan khua khatah bawlsia-in na hawlkhia ding uh hi.

Mattiu 26:59

Siampi liante leh upate in Zeisu thah nadingin thuzuau teci a zong uh hi.

Mattiu 5:22

Ke’n kong cih-inah, a sanggamte tungah a hehte khempeuh in zum innah thukhenna a thuak ding uh hi. A sanggam a gensiate in upa vaihawmna pan thukhenna a thuak ding uh hi. A sanggam a phuisamte in meikuang sungah kikhulna a thuak ding uh hi.

Marka 13:12

Unau khat leh khat sih nadingin a kiheek ding uh a, pa in zong a ta a lehheek ding hi. Tate in a nu leh a pate galin a do ding uh a, thah dingin a lehheek ding uh hi.

Marka 13:9

“Ahih hangin na kikem un. Bang hang hiam na cih uh leh, amaute in upa vaihawmte’ thukhenna sungah note hong pia ding uh hi. Kikhopna inn sungah satna na thuak ding uh hi. Tuate mai-ah teci na pan’ nadingun mangte leh kumpite mai-ah keimah hangin na ding ding uh hi.

Luka 12:11

Amaute in kikhopna inn mai-ah ahi zongin, upate mai-ah ahi zongin, thukhente mai-ah ahi zongin, note hong paipih uh ciangin bangci ka thukkik ding hiam, bang thu ka gen ding hiam ci-in lunghimawh kei un.

Johan 11:47

Tua ahih ciangin siampi liante leh Farisaite in upa vaihawmte kikhawmsak uh a, “Eite in bangci hih ding i hi hiam? Hih mi in nalamdang tampi a lak hi.

Johan 16:2

Amau in kikhopna innsung pan note hong hawlkhia ding uh hi. Ahi hi; hong that mite khempeuh in Pasian’ na ka sem hi ci-in a ki-um ding uh hi.

Sawltak 17:14

Tua ciangin ute naute in Paul tuipi dongin thakhatin a paisak uh hi. Silas leh Timoti in a tam lai uh hi.

Sawltak 22:19

Keimah in zong, ‘Topa aw, nangmah hong umte thong sungah ka khum a, kikhopna inn khempeuh sungah ka sat hi ci-in amaute in hong thei uh hi.

Sawltak 26:11

Mite in Pasian tungah a pau khialh nadingin thatang hat thu-in hanciamin, kikhopna inn khat pan khat ah tamveipi ka pai hi. Nakpi-in ka heh maninah gamdangte khua dongin amaute ka bawlsia hi.

Sawltak 9:2

hih Lampi a zui numeite ahi zongin, pasalte ahi zongin a muh ciangin, khau tawh a khih khit ciangin Jerusalem khua-ah paipih dingin Damaskas khua kikhopna inn ukte kiangah vaikhakna lai piak nading siampi ukpa kiangah a ngen hi.

Filippi 3:2

Tua uite, gilo-a gamtate na peel un, vun-atna thu ah a kineih mite na peel un.

2 TIMOTI NIHNA 4:15

Tua mi nangmah zong na kikeem in. Bang hang hiam cih leh, amah in eite thu nakpi-in a nial hi.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.