Mattiu 1:21 - Tedim Bible

²¹ Amah in tapa a nei ding hi. Tua tapa in ama mipawlte’ mawhnate sung pan a gumkhia ding ahih ciangin a min Zeisu na phuak ding hi,” ci-in a hilh hi.

Tedim Bible Revision 2017

²¹ Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Mattiu 1:21 Iomraidhean Croise

Piancilna 17:19

Pasian in, “Hi lo hi, na zi Sarah in nang’ adingin tapa khat nei ding a, ama' min Isaak na ci ding hi. Ama' khit cianga a suan-le-khakte adingin tawntung thuciamna dingin ka thuciamna amah tawh ka kipsak ding hi.

Piancilna 17:21

Ahih hangin, kum kik tu hun ciangin Sarah sung panin nang adinga hong suak ding Isaak tawh ka thuciamna ka kipsak ding hi,” ci hi.

Piancilna 18:10

Topa in, “Tu zawh kum khat, kumkik ciangin kong pai kik taktak ding a, na zi Sarah in tapa khat nei ding hi,” ci hi. Sarah in ama' nung puanbuk kong-ah na ngai hi.

Jeremiah 23:6

Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teeng ding uh hi. Amah a kisap nadingin a min, Topa in eite’ Diktatna ahi hi, ci-in a kiphuak ding hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Zekhariah 9:9

Zion mite aw, nakpi takin lungdam un. Jerusalem mite aw, lungdamin awng un. En un, na kumpipa uh hong pai hi. Amah, dikna leh gupkhiatna tawh hong pai a, ahi zongin kiniamkhiatna tawh hong pai-in sin nai loh lano tungah hong tuang hi.

Mattiu 1:25

Ahih hangin a ta a suah matengin a luppih kei hi. Tua a tapa a min Zeisu a phuak hi.

Luka 1:13

Vantungmi in, “Zekhariah aw, lau kei in. Na thungetna hong ngai zo hi. Na zi Elisabeth in tapa khat nang ading a nei ding hi. Tua tapa’ min Johan na phuak ding hi.

Luka 1:31

Gai-in tapa na nei ding hi. Tua tapa’ min Zeisu na phuak ding hi.

Luka 2:11

Tuni-in, David’ khua-ah Topa Khazih ahi hong Gumpa in note adingin a suak zo hi.

Luka 2:21

Tua naungeek’ vunat nading ni giat a cin’ khit ciangin, a gai ma-a vantungmi in a phuah kholh mah bangin a min Zeisu a phuak uh hi.

Johan 1:29

Zingsang ciangin Zeisu hong pai Johan in a muh ciangin, “En un, leitung’ mawhna a puakhia Pasian’ Tuuno!

Johan 4:42

Amaute in numei kiangah, “Tu-in ahih leh, kote in na genna hangin um ka hi kei uh hi. Kote in zong ka za teekteek uh a, hih pa in leitung mite’ Gumpa ahi takpi hi ci-in ka thei uh hi,” a ci uh hi.

Sawltak 13:23

Johan in amah a pai ma-in Israel mi khempeuh kiangah kisikkik nading baptaizna thu a hilhkholh lai takin tua David’ suante lakah Pasian in a ciamsa mah bangin Israelte ading Gumpa Zeisu a piangsak hi.

Sawltak 3:26

Pasian in a Silapa hong thawhsak khit ciangin, note na vekpi un na khialhna uh pan hong kikheelsakin, note thupha hong pia dingin note kiangah hong paisak masa hi,” a ci hi.

Sawltak 4:12

Tua mi simloh midang tungah gupna thu a om kei hi. Bang hang hiam na cih uh leh, ama min simloh eite’ gupna ngah nadingin hong kipia mindang khat beek van nuai mite lakah a om kei hi,” ci-in a gen hi.

Sawltak 5:31

Israel mipawl kisikkikna leh mawh kimaisakna thu a piak nading tua mi in Ukpa leh Gumpa a suah na’ngin Pasian in ama ziat lamah a koih sang hi.

Titu 2:14

Tua Topa in mawhna khempeuh sungpan eite hong tankhia dingin ahi zongin, gamtatna ahoihte ah lungsim utna nei-in, ama hong neihtuam dingin, ama ading siangthosak dingin ahi zongin eite ading ama pumpi a pia hi.

Hebru 7:25

Tua ahih ciangin Zeisu hangin Pasian kiangah a naite’ taang a, a thuum dingin Topa in a nungta tawntung ahih ciangin, a tawntungin hong gum thei hi.

1 JOHAN MASA 1:7

Amah in khuavak sungah a om mah bangin eite zong khuavak sungah i om leh, khat leh khat kihothei-in, a Tapa Zeisu’ si in eite mawhna khempeuh hong sawpsiang hi.

1 JOHAN MASA 3:5

Topa in mawhna a pua dingin a hong kilang na thei uh hi. Ama sungah mawhna khialhna a om thei kei hi.

Mangmuhna 7:14

“Topa aw, nang na thei hi,” ka ci kik a, tua upa in, “Tua mite in gimna lianpi sung pan hong pusuakkhia mi ahi uh hi. Amau puante zong Tuuno’ sisan tawh kisawp siang a, a kipaaksak uh hi.

Thukhente 13:3

Topa’ vantungmi numei kiangah kilangin ama kiangah, “En in, na tasel a, ta na nei kei hi; ahih hangin gai-in tapa khat na nei ding hi.

1 SAMUEL MASA 1:20

a hun ciangin Hannah gai-in tapa khat nei a, a min Samuel phuak hi; bang hang hiam cih leh amah in, “Topa tung panin amah ka nget ahi hi,” a ci hi.