Mattiu 1:1 - Tedim Bible

¹ Abraham’ suan, David’ suan, Zeisu Khazih’ khang ciamtehna lai inah:

Tedim Bible Revision 2017

¹ Abrahamʼ suan David, Davidʼ suan Jesu Khrisʼ khang ciaptehna hih bang ahi hi.

Mattiu 1:1 Iomraidhean Croise

Piancilna 12:3

Nang thupha hong piate thupha ka pia ding a, nang hong samsia mi ka samsia ding hi; nang’ tung tawnin leitung innkuan khempeuh in thupha ngah ding uh hi,” ci hi.

Piancilna 2:4

Hihte pen, a kipian’sak lai-a vantung leh leitung tangthu ahi hi. Topa Pasian in leitung leh vantung a bawlin,

Piancilna 22:18

na suan-le-khakte thupha ka piak bangin, leitung minam khempeuh in thupha a ngah nadingun hong ngen ding uh hi, bang hang hiam cih leh nang in ka thu na mang hi,” ci hi.

Piancilna 5:1

Hih in Adam’ suan-le-khakte’ tangthute ahi hi. Pasian in mi a piansakin, amah tawh a kisunin a bawl hi.

Late 132:11

Topa in a pelh loh ding kiciamna taktak khat David tungah a ciam a, “Nang sung pan-a na tate khat na kumpi tokhom tungah ka koih ding hi.

Late 89:3

Nangmah in, “Ka teelpa tawh thuciamna khat ka bawl zo a, ka nasem David tungah thu ka ciam zo hi:

Late 89:36

Ama suan-le-khakte kizom paisuak ding a, van-a ni a taan’lai teng, a kumpigam ka kip sak ding hi.

Isaiah 11:1

Jessi’ phungsung panin a sel khat hong khangkhia ding a, a zungte panin a hiang khat hong gah ding hi.

Isaiah 53:8

Nenniamna leh thukhenna tawh amah kipaikhiatpih hi; a hingte’ gam panin amah kikhenkhia-in, ama mite’ khialhna hangin amah in gimna thuak hi, ci-in ama khang mite kua in thei ahi hiam?

Jeremiah 23:5

“En un, Topa in kong cih-inah, keimah in David’ suan lak panin kumpi dingin a diktat Hiang khat ka khan’ khiatsak ni hong tung ding hi. Amah gam uk siam ding a, gam sungah thuman thutang tawh thu hong khen ding hi.

Jeremiah 33:26

Jakob leh ka nasempa David’ suante ka nial ding a, Abraham, Isaak leh Jokob’ suante a uk dingin amaute’ lakah mi khat ka teel kei ding hi. Tu-in tua bang hi loin amaute ka hausak kik ding a, ka hehpih ding hi,” a ci hi.

Amos 9:11

Tua ni ciangin inn tawh kibangin a siasa David innkuan, keimah in ka puahkik ding a, a vang teng hu-in, a sia teng ka puahkik ding a, nidanga a ngeina lui mah uh ka bangsak kik ding hi.

Zekhariah 12:8

Tua ni ciangin Jerusalem-a teeng mite, Topa in hu ding a, a gina lo pente nangawn, David zahin thahat ding hi. David’ suan-le-khakte in Topa’ vantungmi bangin ahi zongin Pasian mahmah bangin ahi zongin amaute makaih ding uh hi.

Mattiu 1:18

Zeisu Khazih’ suahna thu in hih bang ahi hi. A nu Mari in Josef tawh kingai a, a kiten’ ma-in Kha Siangtho in a gaisak hi.

Mattiu 1:2

Abraham’ tapa Isaak, Isaak’ tapa Jakob, Jakob’ tapa Judah, leh a unaute teng hi.

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Mattiu 9:27

Zeisu tua mun panin a paikhiat ciangin, mittaw nih in a nung zui uh a, “David’ Tapa aw, ko hong hehpih in,” ci-in a kiko uh hi.

Luka 1:33

amah in Jakob’ suante a tawntungin uk ding a, ama gam in a bei ngei kei ding hi,” a ci hi.

Johan 7:42

Khazih in David’ suan hi a, David’ omna Bethlehem khua sungah a suak ding hi,” ci-in Lai Siangtho in ci hilo ahi hiam?” a ci uh hi.

Sawltak 2:30

Amah in kamsangpa hi a, ama suan sung pan mi khat ama tokhom tungah a tusak ding hi ci-in Pasian in a kiciam hi cih theikhol ahih ciangin Khazih’ thawhkikna thu a gen hi. Bang hang hiam na cih uh leh, tua Zeisu pen sihna gam sungah kinusia lo a, a sa in zong muatna a thuak kei hi.

ROM (Romans) 4:13

Bang hang hiam na cih uh leh, leitung a luahsak nading Abraham ahi zongin, a suante ahi zongin, a thuciamna a ngahna in thukham tawh a ngah kei uh hi; upna tawh kipawl dikna hangin a ngah uh hi.

ROM (Romans) 9:5

amau ading a pute a pate tawh kizoma piang mi zong ahi uh hi. Khazih in zong ci leh sa lamsang ah tua mite pawl ahi hi. Tua Khazih in zong na khempeuh uk a, thupha a ngah tawntung Pasian ahi hi. Amen.

Galati 3:16

Thuciamna Abraham leh a suan a khakte tungah a koih zo hi. “A suan a khakte,” ci-in mi tampite ngaihsunin thu a pia kei hi. “Nangma suan mi khat bek,” ci-in ngaihsunin thu a pia hi. Tua mi khat in Khazih ahi hi.

1 TIMOTI MASA 2:5

Bang hang hiam cih leh, Pasian khat bek om a, Pasian leh mite kikal ah mimah ahi hong kikham Khazih Zeisu khat bek a om hi.

2 TIMOTI NIHNA 2:8

Kei’ gen Lungdamna Thu bangin David’ suan ahi, sihna pan a hingkik Zeisu Khazih na ngaihsun in.

Mangmuhna 22:16

“Pawlpite ading hih thute teci pang dingin kei Zeisu in ka vantungmi nangma kiangah kong sawl hi. Kei in David’ bulpi leh David’ suan, a taang khuavak Zingsol ka hi hi,” ci-in thu hong pia hi.