Marka 9:26 - Tedim Bible

²⁶ dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.

Tedim Bible Revision 2017

²⁶ A dawi nakpi takin kiko-in naupang a kongkawtsak khit ciangin a tai khia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.

Marka 9:26 Iomraidhean Croise

Paikhiatna 5:23

Bang hang hiam cih leh nangma' min suangin Faro’ kiangah thugen dingin ka pai khit-a kipan, amah in hih mite' tungah siatna bawl a, nangmah in na mihingte na honkhia het kei hi,” ci hi.

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Marka 1:26

Kihhuai dawi in tua pa a kongkawsak khit ciangin nakpi-in kiko a, ama sung pan a paikhia hi.

Marka 9:18

Tua dawi in a matna peuhpeuh ah lei tungah puksak a, a kam sung pan cilphuan bua a, a ha gawi a, a kongkaw gawp thei hi. Dawi a hawlkhiat nadingun na nungzuite kiangah ka nget hangin ahih thei kei uh hi,” a ci hi.

Marka 9:20

Amaute in a hong paipih uh leh, Zeisu a muh ciangin dawi in naupang thakhatin kongkawsak a, lei tungah puk a, cilphuan bua-in a kipeek sawnsawn hi.

Marka 9:25

Tua lai takin mihonpite kikhawm dingin hong tai uh a, Zeisu in a muh ciangin, “Bengngong leh pauthei lo dawi aw, ama sung pan paikhia in. Tu nung ciangin tum kik nawn kei in, thu kong pia hi,” ci-in kihhuai dawi a taai ciangin,

Marka 9:27

Ahih hangin, Zeisu in naupang’ khut len a, a phottoh ciangin amah a tho hi.

Mangmuhna 12:12

Tua ahih ciangin vantungte leh vantungah a omte aw, nuam un! Leitung leh tuipi ahih uh leh, lunggimna a om hi. Bang hang hiam na cih uh leh, Dawimangpa in hun tomkha bek ngah lai ahih thei-in, thangpaai mahmahin note omna-ah a paisuk zo hi!” ci-in a gen aw ka za hi.