Marka 9:18 - Tedim Bible

¹⁸ Tua dawi in a matna peuhpeuh ah lei tungah puksak a, a kam sung pan cilphuan bua a, a ha gawi a, a kongkaw gawp thei hi. Dawi a hawlkhiat nadingun na nungzuite kiangah ka nget hangin ahih thei kei uh hi,” a ci hi.

Tedim Bible Revision 2017

¹⁸ Dawi in amah a mat simin leilak denna a, a cilphuan bua-in a ha gawi-in kongkawcip hi. Na nungzuite in dawi hong hawl khiatsak nading ka ngen a, ahi zongin hawl khia thei lo uh hi,” a ci hi.

Marka 9:18 Iomraidhean Croise

JOB (Job) 16:9

Pasian in a hehna tawh hong balnen ngiingei a, a ha hong gawi sanin hong heh et hi.

Late 112:10

Migilo in hih thu mu-in a hehsuak a, a ha gawigawi-a tuimang hi; migilopa’ lametna in a mawkna suak ta hi.

Mattiu 15:22

Kanaan numei khat in tua gam panin paikhia a, “David’ Tapa aw, kei hong hehpih in. Keima tanu in dawi’ bawlsiatna nakpi-in a thuak hi,” ci-in a kiko hangin, Zeisu in kam khat beek a dawng kei hi.

Mattiu 17:16

Na nungzuite kiangah ka paipih hangin, amau in a damsak zo kei uh hi,” ci-in a ko hi.

Mattiu 8:12

Gamsung mite ahih uh leh, pualam khuamial lakah a hawlkhia ding hi. Kahna leh ha gawina a om ding hi,” ci-in a nungzuite kiangah a gen hi.

Marka 11:23

Ke’n aman takpi kong cih-inah, mi khatpeuh mah in a lungsim sungah um khial lo a, ama cih bangin piang ding, ci-in a up leh, hih mual kiangah, ‘Na omna pan na khinkhia in la, tuipi sung kiden’na in,’ a cih leh, a cih mah bangin a piang ding hi.

Marka 9:17

Mihonpite lakah mi khat in, “Topa aw, a pau thei lo dawi lut ka tapa na kiangah kong paipih hi.

Marka 9:19

Zeisu in, “Upna nei lo pawlte aw, kei in no tawh bang tanvei omkhawm ding ka hi hiam? Tua naupang ka kiangah hong paipih un,” a ci hi.

Marka 9:20

Amaute in a hong paipih uh leh, Zeisu a muh ciangin dawi in naupang thakhatin kongkawsak a, lei tungah puk a, cilphuan bua-in a kipeek sawnsawn hi.

Marka 9:26

dawi in kiko-in naupang nakpi-in a kongkawsak khit ciangin a paikhia hi. Naupang in misi tawh kibang ahih ciangin mi tampi in, “A si zo hi,” a ci uh hi.

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.