Marka 9:12 - Tedim Bible

¹² Zeisu in, “Elijah hong pai masa takpi ding a, na khempeuh a bawl kik ding hi. Mihing Tapa in zong gimna tampi leh nialna a thuak ding ci-in Lai Siangtho sungah kigelh zo hilo ahi hiam?

Tedim Bible Revision 2017

¹² Jesu in, “Na khempeuh a bawl khol dingin Elijah hong pai masa takpi hi. Mihing Tapa in gimna tampi thuakin simmawhna ngah ding hi, ci-in Lai Siangtho in gen hi lo ahi hiam?

Marka 9:12 Iomraidhean Croise

Late 74:22

Pasian aw, tho in la, nangma thu-ah hong pang in; dawi bia mite in sun tawntungin nangmah hong thusim lohna phawk ta in!

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Isaiah 50:6

Hong satte tungah ka nung ka dawh a, ka khamul hong kai mite tungah ka paang ka dawh hi; maizumna leh cilphihna panin ka maitang ka hei kei hi.

Isaiah 52:14

Mi tampite in amah lamdang sa uh hi— mihing a bang nawn lo zah dongin nakpi takin a mai sia a, mihing a sun nawn lo zah dongin a meel sia hi—

Zekhariah 11:13

Tua ciangin Topa in kei kiangah, “Biakinn sum koihna sungah tuate koih in,” hong ci hi. Tua ciangin kei zong, kei tawh kituak-a tam a sak mahmah uh tua dangka sawmthum la-in biakinn sumkoihna sungah ka koih hi.

Zekhariah 13:7

Namsau aw, ka tuucingpa a su dingin kipan in la, kei tawh nasem khawmpa lang pang in. Tuucingpa sat in. Tuute kithehthang ding a, ka tuute gim ka pia ding hi.

Malakhi 4:6

Amah in pate leh tapate, tapate leh pate lemtuahin kilemsak kik ding hi. Tua bang hi kei leh keimah hong pai-in na gam khempeuh uh ka susiagawp ding hi,”ci hi, a ci hi.

Mattiu 16:21

Zeisu in Jerusalem khuapi pai dinga upate, siampi liante laitheite khut tungah gimna tampi a thuak khit ciangin, thahna zong thuak ding a; ni thum ni-in a thokik ding hi, ci-in tua huna kipanin a nungzuite kiangah a pulak hi.

Mattiu 26:24

Mihing Tapa in Lai Siangtho sungah a kigelh kholsa mah bangin a pai ding hi. Ahih hangin Mihing Tapa a lehheekpa in gimna a thuak ding hi. Tua mipa in a nu sung pan suak kei leh, amah ading a hoihzaw ding hi,” a ci hi.

Marka 10:33

Tua lai takin Zeisu in sawm-le-nihte sam kik a, “En un, eite Jerusalem khuapi ah i pai ding hi. Mihing Tapa in siampi liante leh laitheite’ khut tungah a kipia ding hi. Amaute in ama sih nadingin thu a khen khit uh ciangin, Gentailte’ khut tungah a pia ding uh hi.

Marka 9:13

Ahih hangin, ke’n kong cih-inah Elijah hong tung zo hi. Amaute in Lai Siangtho sungah ama thu a kigelh khol mah bangin, ama tungah ahih nop bangun ahih zo uh hi,” ci-in a gen hi.

Marka 9:31

Bang hang hiam i cih leh, “Mihing Tapa in mite’ khut tungah kipia ding hi. Tua mite in amah a that ding uh a, amah in thahna a thuak zawh ni thum khit ciangin a thokik ding hi,” ci-in nungzuite a hilh hi.

Luka 1:76

Ahi hi, naungeek aw, nangmah in Sang Bel Topa’ kamsangpa hong kici ding hi. Bang hang hiam na cih leh, eite Pasian hong hehpihna thupha hangin ah Ama mi pawlte’ khialhna maisakna tawh,

Luka 23:11

Herod in a galkapte tawh Zeisu simmawhin a zahko uh a, puan hoih a silhsak khit uh ciangin, Pilat kiangah a paisak kik uh hi.

Luka 23:39

Tua lai takin a kikhai migilote khat in, “Nang Khazih hilo na hi hiam? Nang leh ko hong gum in,” ci-in Zeisu a zahko hi.

Sawltak 1:6

Amaute a kikhop lai takun, “Topa aw, tu lai takin Israel mipawlte in amau gam na ki-uksak kik ding hiam?” ci-in a dong uh hi.

Sawltak 4:11

Tua Topa in innlam note in na paih uh, a nung cianga kiukawi bul a suakkik suang ahi hi.