Marka 8:6 - Tedim Bible

⁶ Tua ciangin Zeisu in, “Mihonpi lei tungah tusak un,’ ci-in a sawl hi. Tua ciangin khomun sagih la a, hehpihna a phat khit ciangin, khomun balnenin mite mai-ah lui dingin a nungzuite a pia hi. A nungzuite in mihonpi a lui uh hi.

Tedim Bible Revision 2017

⁶ Tua ciangin Jesu in leilak ah mihonte tusak a, a anlum sagih la-in Pasian tungah lungdamna a koh khit ciangin balnenin, mihonpite a lui dingin a nungzuite tungah a pia hi. A nungzuite in zong mihonte a lui uh hi.

Marka 8:6 Iomraidhean Croise

Mattiu 26:26

Amau in an a nek lai takun Zeisu in khomun la a, hehpihna a phat khit ciangin khomun balnenin, “Hih khomun in ka pumpi ahi hi. La un la, ne un,” ci-in a nungzuite a pia hi.

Marka 8:20

“Khomun sagih tul li ading ka balnen ciangin, a neng a themte seeng bangzah na tawm uh hiam?” ci-in a dot ciangin amaute in, “Seeng sagih,” a ci uh hi.

Marka 8:5

Zeisu in, “Khomun pum bangzah na nei uh hiam? ci-in a dot ciangin amaute in, “Pum sagih a om hi,” a ci uh hi.

Marka 8:7

Ngasa tawmkha nei uh ahih ciangin, hehpihna a phat khit ciangin, tuate zong mite lui ding thu a pia hi.

Luka 12:37

Topa hong ciah ciangin, ngakin a om nasemte in thupha a ngah ding uh hi. Ke’n aman takpi kong cih-inah, topa in a kawng gakin tua naseemte an ne dingin tusak a, hong pai-in amaute a vak ding hi.

Luka 24:30

Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Johan 2:5

A nu in nasemte kiangah, “Ama hong sawl khempeuh na hih un,” ci-in a gen hi.

Johan 6:23

Amau in khomun a nekna phual uh tawh kinai Tiberias khua pan gunkuangte hong tung uh hi. Zeisu in a nungzuite tawh tua gunkuang sungah lut khawm loin, a nungzuite bek a pai uh a mu uh hi.

ROM (Romans) 14:6

Ni a tang mi in Topa hangin a tang hi. An a ne mi in Topa hangin an a ne hi. Bang hang hiam na cih uh leh, amah in Pasian’ hehpihna a phat hi. An ne lo mi in Topa hangin ne lo a, Pasian’ hehpihna a phat hi.

Kolose 3:17

Kampau ahi zongin, bawlna ahi zongin, na hihna khempeuh uhah Topa Zeisu’ min suangin, tua Topa hangah Pa Pasian’ hehpihna phatin na khempeuh na bawl un.

1 SAMUEL MASA 9:13

Khuapi sung na lut phetun mual tunga biakna-ah an ne dingin a pai ma-in amah na mu ding uh hi; amah in biakpiakna thupha pia ding ahih manin ama pai mateng mite in an ne lo ding uh hi; tua khit ciangin a kisam mite in ne uh hi. Tu-in paito un; bang hang hiam cih leh amah na tuak pah ding uh hi,” a ci uh hi.