Marka 6:6 - Tedim Bible

⁶ Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Tedim Bible Revision 2017

⁶ Amaute in amah a up loh manin lamdang a sa mahmah hi. Tua ciangin tua kiim a om khuaneute ah thuhilhin a pai kawikawi hi.

Marka 6:6 Iomraidhean Croise

Isaiah 59:16

Amah in kuamah mu lo-a, nenniamna a thuak mite a huh ding mi khat beek a om lohna mu hi. Tua ahih ciangin amaute a honkhia ding, leh a dikna a kip nadingin ama khut a zang ding hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 8:10

Zeisu in tua thu a zak ciangin lamdang sa a, “Ke’n aman takpi kong cih-inah, hih zah alian upna Israel mipawl lakah ka mu ngei kei hi.

Mattiu 9:35

Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Marka 1:39

Amah in Galile gam khempeuh kikhopna inn tengah pai kawikawi a, thu hilhin dawite a hawlkhia hi.

Marka 10:1

Tua mun panin Zeisu tho a, Judah gam leh Jordan gun gal khatah a tung hi. Mi tampi in ama kiangah kikhawm kik uh a, a ngeina bangin thu a hilh hi.

Luka 13:22

Zeisu in khuapi leh khuaneu ah pai kawikawi a, thu hilhin Jerusalem khuapi zuanin a zin hi.

Luka 4:31

Zeisu Galile gam Kapernaum khua-ah a paisuk khit ciangin, Nipi ni-in thu a hilh hi.

Luka 4:44

Tua lai takin Zeisu in Galile gam kikhopna innte ah thu hilhin a om hi.

Johan 9:30

Amah in, “Ka mittang hong vaksak hi napi-in a pian’na na theih loh uh lamdang hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.