Marka 6:3 - Tedim Bible

³ Amah in Mari’ ta hilo ahi hiam? Khutsiampa ahi, Jakob, Josef, Judas leh Simon-te’ sanggampa hilo ahi hiam? Ama sanggamnute in i kiangah om hilo ahi uh hiam?” ci-in a gen uh hi. Amaute in ama hangin a lungkia uh hi.

Tedim Bible Revision 2017

³ Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Marka 6:3 Iomraidhean Croise

Isaiah 49:7

Israel a Tankhia-pa leh ama Siangtho Pa ahi Topa in, nakpi takin simmawhna a thuak, minamte in a muhdah, gam ukte’ nasempa tungah: “Nangmah hong teel, Israelte’ Siangtho Pa, a thuman Topa’ hangin, mite na hotkhiatna thu kumpite in a muh ciangun zahtakna tawh na mai-ah hong ding ding uh a, na mai-ah uliante, hong kun ding uh hi,” hong ci hi.

Mattiu 11:6

Keimah hangah puk nading a nei lo peuhmah in thupha a ngah ding uh hi,” a ci hi.

Mattiu 12:46

Zeisu in mihonpi thu a hilh lai takin a nu leh a sanggamte in amah hopih nuamin, inn pua lamah ding-in a om uh hi.

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.

Marka 3:18

Andru, Filip, Bartholomai, Mattiu, Thomas, Alefas’ tapa Jakob, Thaddeas,

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Luka 7:23

Keimah hangin pukna a ngah lo peuhmah in thupha a ngah ding hi,” a ci hi.

Luka 8:20

“Na nu leh na sanggamte in hong hopih nuamin inn pua lamah ding-in a om uh hi,” a cih uh ciangin,

Johan 14:22

Judas Iskariot hi lo adang Judas in, “Topa ko kiangah na kilat hangin, leitung mite kiangah bang hang kilang lo ding na hi hiam?” a ci hi.

Johan 6:42

Judah mite in, “Hih pa in Josef’ tapa Zeisu hilo ahi hiam? A nu leh pa thei hilo i hi hiam? Tua ahih leh, ‘Vantung pan kong paisuk zo hi,’ bang hangin ci thei hiam?” ci-in a gensia uh hi.

Sawltak 1:13

A tun’ uh ciangin Piter, Johan, Jeim leh Andru, Filip leh Thomas, Bartholomai leh Mattiu, Alfe-as’ tapa Jeim, Simon Zealot leh Jeim’ tapa Judas-te a tun’na uh inndei tungah a paito uh hi.

Sawltak 12:17

Amah in amaute pau lo-a a om na’ngun a khut a vaan khit ciangin Topa in amah thong sung pan bang ci-a lakhia hiam cih thu a gen hi. “Tua thu Jeim leh sawltakte kiangah va gen un,” a cih khit ciangin tua mun pan paikhia a, a mun dangah a pai hi.

1 KORIN MASA 1:23

Eite i hih leh, singlamteh tungah a si Khazih’ thu i hilh hi. Tua thu in Judah mite ading kipukna ahi hi. Gentailte ading haina ahi hi.

1 KORIN MASA 9:4

Kote in an neek na’ng, tui dawn na’ng thuneihna nei lo ka hi uh hiam?

Galati 1:19

Amah leh Topa’ nau Jeim longal adang sawltakte khat beek ka mu kei hi.

1 PETER MASA 2:4

Mite in a nilkhiat hangin Pasian’ teel nuntakna suangpi ahi, tua Topa kiangah pai-in,

Juda 1:1

Zeisu Khazih’ sila leh Jeim’ sanggampa keimah Juda in, Pa Pasian hangin itna ngahin, Zeisu Khazih adingin kikemin, sapna a ngah mite kiangah ka hong zasak hi.