Marka 6:12 - Tedim Bible

¹² Tuate paikhia uh a, mite mawhna kisik nading thuhilhin,

Tedim Bible Revision 2017

¹² Tua ahih ciangin amaute kuan khia uh a, mite a mawhna panun a kisik nadingun thu a hilh uh hi.

Marka 6:12 Iomraidhean Croise

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatnasa bang ciatun thu kong khen ding hi. Kisik kikin na gamtatsiatna khempeuh panun khawl un la, na mawhna bangun kisiasak kei un.

Mattiu 11:1

Zeisu in a nungzui sawm leh nihte tua bangin a vaikhak khit ciangin, khua sungah thu gen ding, thu hilh dingin tua mun pan a paikhia hi.

Mattiu 11:20

Tua khit ciangin vangliatna tampi a lahna khuate in, a mawhna kisik kik lo uh ahih ciangin Zeisu in a mawhsakinah,

Mattiu 3:2

Tua ahih ciangin na mawhna uh kisik kik ta un,” ci-in Judah gam, gampa lakah a hilh hi.

Mattiu 3:8

Mawhna kisik kikna tawh kilawm gah na gah un.

Mattiu 4:17

Tua nung ciangin Zeisu in, “Na mawhna uh kisikkik ta un. Bang hang hiam na cih uh leh, Vantung Gam a hong nai zo hi,” ci-in thuhilh a kipan hi.

Mattiu 9:13

‘Sagawh biakna sangin hehpihna ka deih zaw hi,’ a cihna thu na theih nadingun pai un la, va sin un. Miphate sam dinga hong pai ka hi kei hi. Mawhneite sam dinga hong pai ka hi hi,” a ci hi.

Marka 1:15

“A hun a kicing zo hi. Pasian Gam a hong nai zo hi. Na mawhna kisikkik un la, Lungdamna Thu na um ta un,” a ci hi.

Marka 1:3

Gampa lakah a kikopa’ aw in, ‘Topa paina lam na sial un, Ama lampi na tangsak un,’ a ci hi,” ci-in kigelh hi.

Luka 11:32

Thu a khen ni ciangin Nineveh khua mite in tu-a khang mite langkhat ah ding-in a mawhsak ding uh hi. Bang hang hiam na cih uh leh, Jonah in thu a hilh manin amau mawhna a kisikkik uh hi. Hih lai takah Jonah sangin a lianzaw mi khat a om hi.”

Luka 13:3

Ahi kei hi, kong ci hi. Note in zong na mawhna uh na kisikkik kei uh leh, tua mah bangin na kisia khin ding uh hi.

Luka 13:5

Ahi kei hi, kong ci hi. Note in zong na mawhna na kisikkik kei uh leh, tua mah bangin na kisia khin ding uh hi,” a ci hi.

Luka 15:10

Ke’n kong cih-inah, tua mah bangin a kisikkik mawhneipa khat hangin Pasian’ vantungmite’ omna munah nuamna a om ding hi,” a ci hi.

Luka 15:7

Ke’n kong cih-inah, tua bangin vantungah kisikkikna kisam a kisa lo sawmkua leh kuate sangin, mawhna a kisik migilo khat tungah nuamna a lianzaw hi.”

Luka 24:47

ama min tawh kisikkikna thu leh mawhmaisakna thu Jerusalem khua pan akipan mi pawl khempeuhte’ kiangah a kigen ding hi ci-in kigelh hi.

Luka 9:6

Amaute paikhia uh a, Lungdamna Thu hilhin, cinate damsakin, khuapi leh khuaneute ah a pai kawikawi uh hi.

Sawltak 11:18

Amaute in hih thu a zak uh ciangin nial loin, “Pasian in Gentailte zong a nuntak nadingin kisikkikna thu a pia hi,” ci-in Pasian a phat uh hi.

Sawltak 2:38

Piter in, “Na mawhnate uh kisikkik un la, na vekpi un, mawh kimaisak nadingin Zeisu Khazih’ min tawh kibaptaiz un, Tua bang na hih uh leh, Kha Siangtho’ thupha letsong na ngah ding uh hi.

Sawltak 20:21

Pasian mai-ah kisikkikna thu ahi zongin, eite Topa Zeisu Khazih upna ahi zongin, Judah mi leh Grik mite kiangah ka hilh hi cih note’n na thei uh hi.

Sawltak 26:20

Amaute kisikkik a, kisikkikna tawh kilawm gamtatna bawlin Pasian kiangah a kihei na’ngun Damaskas khua-ah ka gen masak khit ciangin Jerusalem khua akipan Judah gamah a om mi khempeuh kiangah ahi zongin, Gentailte kiangah ahi zongin ka hilh hi.

Sawltak 3:19

Tua ahih ciangin Pasian kiang pan nopna hun hong tung a, note ading hong koihsa Khazih Zeisu hong paisak nadingin, note mawhna a sawpsiang nading na kisik un la, na lungsim uh na kikheel un.