Marka 5:7 - Tedim Bible

⁷ “A sang bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin, Pasian’ min tawh thu kong pia hi!” ci-in nakpi-in a kiko hi.

Tedim Bible Revision 2017

⁷ nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Marka 5:7 Iomraidhean Croise

Piancilna 3:15

Nang leh numei' kikal, na suan-le-khakte leh ama’ suan-le-khakte' kikalah kilangneihna ka koih ding hi; amah in na lutang hong tuankham ding a, nang in ama' khetul na tu ding hi,” ci hi.

1 KUMPI MASATE 22:16

Ahih hangin kumpipa in ama kiangah, “Topa’ min tawh thudang gen loin thuman bek kei tungah nong gen nading bangzah vei hong thuhilh ding ka hi hiam?” a ci hi.

Hosea 14:8

Israel mite in milim bia kha nawn lo ding uh hi. Amaute’ thungetna pia-in amaute ka kem ding hi. Amaute, a hing tawntung singkung kep bangin ka kem ding a, amaute’ thupha ngah khempeuh keima kiang pan ahi hi.

Mattiu 16:16

Simon Piter in, ‘Nangmah in a nungta Pasian’ Tapa, Khazih na hi hi,” a ci hi.

Mattiu 26:63

Zeisu pau loin a om hi. Siampi ukpa in, “Nang, Pasian’ Tapa Khazih na hi hiam, na hi kei hiam kote kiangah nong gen nadingin a nungta tawntung Pasian min tawh ka hong sawl hi,” a ci hi.

Mattiu 4:3

Tua lai takin a kheem dingpa in va nai a, “Nang in Pasian’ Tapa na hih takpi leh, hih suangte khomun suaksak in,” a ci hi.

Mattiu 8:29

“Pasian’ Tapa aw, kote in nang tawh bang kikum i hi hiam? A hun hong tung nai lopi-in kote susia ding hong pai na hi hiam?” ci-in a kiko uh hi.

Marka 1:24

“Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ mi siangtho na hi hi,” ci-in a kiko hi.

Marka 14:61

Khatvei siampi ukpa in, “Nang Thupha a nei, Pasian’ Tapa Khazih na hi hiam?” a cih kik ciangin,

Marka 3:11

A kihhuai dawite in Topa a muh uh ciangin a mai-ah bok uh a, “Nangmah in Pasian’ Tapa na hi hi,” ci-in a kiko uh hi.

Marka 5:6

A gamla pan Zeisu a muh ciangin a kiangah tai a, bokin,

Marka 5:8

Hih thu bang hangin a gen hiam i cih leh, “Kihhuai dawi aw, tua mipa sung pan taikhia in,” ci-in Zeisu in thu a pia zo hi.

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

Luka 4:34

Amah in, “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ misiangtho na hi hi,” ci-in aw lianpi tawh a kiko hi.

Luka 6:35

Note na hih uh leh, na galte na it un, amaute tungah thupha na bawl un. Na khatpeuh ka ngah ding hi ci-in lamen loin na leitawisak un. Tua bang na hih uh leh, na noptuamna uh lian ding a, Sang Bel Pasian’ tate na hi ding uh hi. Bang hang hiam na cih uh leh, amah in hehpihna a thukkik lo mi leh migilote a hehpih hi.

Luka 8:28

Amah in Zeisu a muh ciangin, a mai-ah bokin, “Sang Bel Pasian’ Tapa Zeisu aw, nang tawh bang kikum i hi hiam? Kei nong bawlsiat loh nadingin kong thuum hi,” ci-in nakpi-in a kiko hi.

Johan 20:31

Zeisu in Khazih hi a, Pasian’ Tapa ahih note’n na up theih nading uh leh, ama min umin tua min hangin nuntakna na ngah theih nadingun hih laibu a kigelh zo hi.

Sawltak 16:17

Tua nungak in Paul leh komau hong zui a, “Hih mite in gupna Lampi eite hong hilh, Sang Pen Pasian’ nasemte ahi uh hi,” ci-in a kiko hi.

Sawltak 19:13

Ahih hangin a vak kawikawi aisan Judah mi kimkhatte in dawigilo a lut mite tungah Topa Zeisu’ min tawh thupia-in, “Paul in a hilh Zeisu’ min tawh kong sawl hi,” a ci uh hi.

Sawltak 8:36

Lampi a pai lai takun tui omna-ah a tung uh a,

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Hebru 2:14

Tua hi a, tua tate in a si a sa tawh kizom uh ahih ciangin Khazih in zong sihna a thuak ciangin, Dawimangpa ahi sihna a ukpa a suksiat nading ahi zongin, sihna kihta ahih manunah a nungta lai takun a tawntungin a kikhum bangin a omte a suahtak sak nadingin ahi zongin, tua tate bangin si-le-sa a la hi.

Hebru 7:1

Kumpite a thahna panin a ciahkik Abraham dawn a, thupha a piak khit ciangin,

Jeim 2:19

Pasian khat bek a om ci-in na um hi. A pha hi. Dawi gilote in zong umin, kihta-in a liing uh hi.

2 PETER NIHNA 2:4

Bang hang hiam na cih uh leh, Pasian in a khial vantungmite pammaih sa loin, hel khua sungah a khiat khit ciangin thukhen Ni dongin khuamial khuk sungah a khum hi.

1 JOHAN MASA 3:8

Mawhna a bawl mi in Dawimangpa tawh a kipawl hi. Bang hang hiam na cih uh leh, a cil panin Dawimangpa in mawhna a bawl zo hi. Dawimangpa’ bawl nate a siasak dingin Pasian’ Tapa hong kilang zo hi.

Juda 1:6

Amau thu ngahna uh kem lo uh a, amau omna uh pan a paikhia vantungmite zong ni lian Ni-a thukhenna dongin khuamial sungah a tawntungin hencipin a khum hi.

Mangmuhna 12:12

Tua ahih ciangin vantungte leh vantungah a omte aw, nuam un! Leitung leh tuipi ahih uh leh, lunggimna a om hi. Bang hang hiam na cih uh leh, Dawimangpa in hun tomkha bek ngah lai ahih thei-in, thangpaai mahmahin note omna-ah a paisuk zo hi!” ci-in a gen aw ka za hi.