Marka 4:6 - Tedim Bible

⁶ ni suak a, a sat ciangin zung kha zo lo ahih manin a vulgawp hi.

Tedim Bible Revision 2017

⁶ Tua ankungnote in zung thuk kha zo lo ahih manin nisa in a kat ciangin a keutum pah uh hi.

Marka 4:6 Iomraidhean Croise

Solomon la 1:6

Ka vom manin hong enneu kei un. Nisa ka thuakna hang ahi hi. Ka ute in kei hong gawtbawl uh a, lo hong kuan saksak uh a, keima pumpi ka don man kei hi.

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah lu zang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei adingin a hoihzaw hi,” ci-in a sih nading thu a ngen hi.

Mattiu 13:6

lei a dai manin, a po pah hangin, ni suak a, a sat ciangin, zung kha zo lo ahih manin a vul gawp hi.

Marka 4:5

Kimkhatte in lei tam lohna suang lakah kia a, lei a dai manin a po pah hangin,

Marka 4:7

Kimkhatte in ling lakah a kia hi. Ling kungte khang uh a, dep gawp uh ahih ciangin a gah kei hi.

Efesa 3:17

upna hangin Khazih in note lung sungah a om nadingin, minthan’na tawh a dim mah bangin note hong pia-in, itna thu-ah zungkha-in, khuam zong kiphut kipin note in,

2 THESALONIKA NIHNA 2:10

kisiatna a ngah mite ading diklohna khemna apawl pawlte tawh ahi zongin a piang ding hi. Bang hang hiam na cih uh leh, tua mite in gupna a ngah nadingun ki-itna tawh kipawl thuman a sang kei uh hi.

Jeim 1:11

Ni in a satna tawh hong suah ciangin lopa kung in keugaw a, a paak a vul thei a, a kilawmna a meelte zong a mangthang thei hi. Tua mah bangin sumhau mi in ama nate-ah vulin a mangthang ding hi.

Juda 1:12

Tua mite in note ki-itna pawite ah note tawh an a nekkhawm a dawn khawm lai takun, lau loin amaute kham tak kivakin pawi sungah a nin a kisawh tuucing ahi uh hi; tui om lo, huih in a leen’pih meii bang ahi zongin, pulhkhia-in a gah om lo nihvei si-in a bul pan a kibotkhia singkung bang ahi zongin;

Mangmuhna 7:16

Amaute in a nung ciangin bangmah hunin gilkial dangtak nawn lo ding uh hi. Cikmah hun ciangin zong ni sa-a kipan a sa khempeuh tawh a kisu kha nawn kei ding uh hi.