Marka 4:41 - Tedim Bible

⁴¹ Amaute in lau mahmah uh a, “Hih pa in kua mi ahi hiam? Huih leh tuipi nangawn in a thu ngai tazen uh hi,” ci-in khat leh khat a kikum uh hi.

Tedim Bible Revision 2017

⁴¹ A nungzuite in lamdang sa mahmah uh a, “Huihpi le tuihualte nangawn, ama sawl bangin a gamta uh hi,” a ci uh hi.

Marka 4:41 Iomraidhean Croise

JOB (Job) 38:11

Tuipi kiangah, ‘Hih ciang bek na pai ding a, a ban na kin nawn kei ding hi; na tuihualte, hih ciang bek pai ding hi,’ ka ci hi.

Malakhi 2:5

Amaute a nuntak nading leh a nopsak nading thu ka ciam a, amaute in kei hong zahtak theih nadingun hih ka thuciamte khempeuh ka pia hi. Amaute in kei hong zahtakin hong kihta takpi uh hi:

Mattiu 14:32

Gunkuang tungah a kahtoh ciangin, huih nung a dai hi.

Mattiu 8:27

Tua mite in, “Hih pa in bangci mi ahi hiam? Huih leh tuipi nangawn in a thu a ngai tazen uh hi!” ci-in lamdang a sa uh hi.

Marka 4:40

Tua lai takin Zeisu in, “Note in bang dinga lau na hi uh hiam? Upna nei lo na hi uh hiam?” ci-in a dong hi.

Marka 5:1

Tuili gal khat Gerasa gamah a tung uh a,

Marka 5:33

Numei in amahmah tungah bang thu a piang cih thei ahih ciangin lau-in liing a, Zeisu kiangah pai-in a thu khempeuh tel takpi-in a gen hi.

Marka 7:37

Amaute in a kigen thei lo zah dongin lamdang a sa uh a, “Amah in na khempeuh phatakin a bawl zo hi. Bengngongte khua zasak zo a, pau thei lote a pausak thei zo hi,” ci-in a gen uh hi.

Luka 4:36

Mi khempeuh in lamdang a sa uh a, “Hih thu in bang thu ahi hiam? Thu tawh, vangliatna tawh, kihhuai dawite thu a piak ciangin amau a paikhia uh hi,” ci-in khat leh khat a kikum uh hi.

Luka 8:25

Zeisu in, “Na upna uh koi-ah om hiam?” ci-in a dong hi. Amaute lau uh ahih ciangin, lamdang a sa uh a, “Hih mi in kua mi ahi hiam? Huih leh tui nangawn thu a piak ciangin a ngai tazen uh hi,” ci-in khat leh khat a kikum uh hi.

Hebru 12:28

Tua ahih ciangin eite in a liing zo lo gam ngah i hih ciangin kihtakna zahtakna lungsim tawh Pasian a lungdamsak thei biakna na i sep zawh nadingin hong hehpihna lungsim nei ni.

Mangmuhna 15:4

Topa aw, nang min kua in kihta lo, phat loin a om ding hiam? Bang hang hiam na cih uh leh, Nang bek na siangtho a, Nangma dikna gamtatnate in a kilang zo ahih ciangin Mipawl khempeuh in na mai-ah hong thuumin, hong bia ding uh hi,” ci-in a phat uh hi.

1 SAMUEL MASA 12:24

Topa zahtak bek un la, na lungsim khempeuh uh tawh citakin ama na sem un; bang hang hiam cih leh note adingin amah in na lian hong bawlsaksate ngaihsun un.