Marka 4:2 - Tedim Bible

² Mihonpite in tuili geiah lei tungah a om uh hi. Zeisu in thugentehna tawh thu tampi hilh a, a thuhilhna sungah a gen-inah,

Tedim Bible Revision 2017

² Amah in thu gentehna tawh thu tampi hilh a, a thuhilhna ah:

Marka 4:2 Iomraidhean Croise

Late 49:4

Paunak thu theih hak khat ka ngai ding a, laiza lasakna tawh a khiatna ka gentel ding hi.

Late 78:2

Note tungah thu kong gen ding hi. I pu i pate in hong gensa, eite in i zaksa leh i theihsa, taanglai-a thuthukte kong genkhia ding hi.

Mattiu 13:10

A nungzuite in va nai uh a, “Topa aw, bang hangin thu gentehna tawh hih mite hilh na hi hiam?” a cih uh ciangin

Mattiu 13:3

Zeisu in thugentehna tawh thu tampi a hilhinah,

Mattiu 7:28

Hih bangin Zeisu in thu khempeuh a hilh khit ciangin, mihonpite in Topa’ thuhilhna lamdang a sa uh hi.

Marka 10:1

Tua mun panin Zeisu tho a, Judah gam leh Jordan gun gal khatah a tung hi. Mi tampi in ama kiangah kikhawm kik uh a, a ngeina bangin thu a hilh hi.

Marka 12:1

Tua lai takin Zeisu in thugentehna tawh thu a hilh-inah, “Mi khat in lo lai-ah leenggah kungte suan a, gawlin uum a, leenggah cil nading to a, tausang buk khat a lam khit ciangin, lo khote khawhlawhsakin gamdangah a pai hi.

Marka 12:38

Zeisu in thu a hilh lai takin, “Laitheite na kikeem un. Amaute in puantual silhin a vak nuam uh hi.

Marka 3:23

Zeisu in amaute sam a, thugentehna tawh thu a hilh-inah, “Satan in Satan bangci a hawlkhia zo ding hiam?

Marka 4:11

Zeisu in, “Pasian’ Gam thu theih hakte na theih nadingun thu hong pia hi. A pua lam a omte ahih uh leh, kikheela amau mawhna uh a kimaisak loh nadingin,

Marka 4:3

“Ngai un, khaici vawhpa in khaici vawh dingin a kuankhia hi.

Johan 18:19

Tua ahih ciangin siampi ukpa in ama nungzuite leh ama thuhilhna thu Zeisu kiangah a dong hi.