Marka 4:11 - Tedim Bible

¹¹ Zeisu in, “Pasian’ Gam thu theih hakte na theih nadingun thu hong pia hi. A pua lam a omte ahih uh leh, kikheela amau mawhna uh a kimaisak loh nadingin,

Tedim Bible Revision 2017

¹¹ Jesu in, “Pasianʼ Ukna tawh kisai thusim, Pasian in note tungah hong gen khinzo hi. Ahi zongin a pualam a om mite tungah na khempeuh, thu gentehna bek tawh kigen hi.

Marka 4:11 Iomraidhean Croise

Mattiu 11:25

Tua ciangin Zeisu in, “Vantung leh leitung a uk ka Pa aw, nangmah in hih nate mipilte leh misiamte kiangah im-inah, naupangte tungah lak na hih ciangin na hehpihna ka phat hi.

Mattiu 13:16

Note na mittang un mu thei ahih ciangin thupha na ngah ding uh hi. Na bil un khua za ahih ciangin, thupha na ngah ding uh hi.

Mattiu 16:17

Zeisu in, “Jonah’ tapa Simon aw, thupha na ngah ding hi. Bang hang hiam na cih leh, hih thu, si-le-sa in nang hong hilh ahi kei hi. Vantunga om ka Pa in hong theisak hi.

Marka 3:23

Zeisu in amaute sam a, thugentehna tawh thu a hilh-inah, “Satan in Satan bangci a hawlkhia zo ding hiam?

Marka 4:10

Zeisu in gam daina-ah a om lai takin, sawm-le-nihte tawh a kimkot a omkhawmte in thugentehna a dong uh hi.

Marka 4:2

Mihonpite in tuili geiah lei tungah a om uh hi. Zeisu in thugentehna tawh thu tampi hilh a, a thuhilhna sungah a gen-inah,

Luka 8:10

Zeisu in, “Note in Pasian’ Gam thusimte na theihtheih nadingun thu hong kipia hi. Midangte ahih leh, en napi-in mu lo ding uh hi. Ngai napi-in a khiatna a theih loh nadingun thugentehna tawh kihilh ding hi.”

1 KORIN MASA 4:7

Kua in note hong kilamdang sak hiam? Na ngah loh, na san’ loh uh khat beek na nei uh hiam? Na ngah, na san’ uh leh, a sang lo, a ngah lo bangin bang hangin kisathei na hi uh hiam?

2 KORIN NIHNA 4:6

“Khua mial sungah khuavak a hong taang ding hi” a ci Pasian in Zeisu Khazih’ maitangah Pasian’ minthan’na theihna a vang hong piak nadingin kote lungsim uhah khuavak a hong tangsak hi.

Efesa 1:9

Pasian in a ngimsa bangin hih a, Khazih hanga a sepsawm a sehsa thuthuk eite hong thei sak hi.

Kolose 4:5

Pua lamah a om mite mai-ah pilna tawh gamta un la, a hun na teel un.

1 TIMOTI MASA 3:7

Tua tham loin, amah in kosiatna leh mawhsakna leh Dawimangpa’ thangsiahna tawh a kipelh nadingin a pualam mi lakah zahtakna a ngah mi ahi ding hi.

1 JOHAN MASA 5:20

Tua banah Pasian’ Tapa hong pai a, thuman thutak Topa i theih nadingin pilna eite a hong piak thu zong i thei hi. Tua tham loin, a Tapa Zeisu Khazih ahi tua thuman Topa sungah i om hi ci-in i thei hi. Hih Topa in Pasian taktak ahi hi; nuntak tawntungna zong ahi hi.