Marka 2:16 - Tedim Bible

¹⁶ Zeisu in mawhneite leh siahdongte tawh an a nek khawm Farisaite leh laitheite in a muh uh ciangin, a nungzuite kiangah, “Amah in siahdongte leh mawhneite tawh bang hangin an nekhawm, tui dawnkhawm ahi hiam?” a ci uh hi.

Tedim Bible Revision 2017

¹⁶ Hih thukham khialte le siahdongte tawh Jesu in an a nekkhopna Farisi mite sung panin Thukham hilh siate pawl khat in a muh uh ciangin a nungzuite kiangah, “Bang hangin hih bang mite tawh an nekhawm ahi hiam?” ci-in a dong uh hi.

Marka 2:16 Iomraidhean Croise

Isaiah 65:5

“Note kiang panin kote hong kituam koih ahih manin kihemkhia un la, ko kiangah hong pai kei un,” ci-in midangte tungah a gen mite in ni khat tawntung a kuang mei leh ka nak sunga meikhute bang ahi uh hi.

Mattiu 18:17

Amah in tua mite’ thu a man’ nop kei leh, pawlpite kiangah na ko in. Pawlpite’ thu a man’ kei leh, amah Gentail leh siahdongte bangin na ngaihsun in.”

Mattiu 5:46

Hong itte bek na it uh leh, na gitna uh bang phattuamna na ngah ding uh hiam? Siahdongte in zong tua bang ahih uh hilo ahi hiam?

Mattiu 9:11

Farisaite in a muh uh ciangin a nungzuite kiangah, “Na Siapa uh siahdongte leh mawhneite tawh bang hangin an ne khawm ahi hiam?” a ci uh hi.

Marka 2:15

Zeisu in Levi’ inn sungah an a nek lai takin siahdongte leh mawhnei tampite in Zeisu leh a nungzuite tawh a tukhawm uh hi. Bang hang hiam i cih leh, mi tampite in a nung a zui uh hi.

Marka 2:7

“Hih pa in bang hangin tua bangin a gen hiam? Pasian tungah a pau khial hi. Pasian longal kua in mawhna maisak zo hiam?” ci-in amaute’ sinsung uh ah a ngaihsun uh hi.

Luka 18:11

Farisaipa ding-in amah leh amah kigen-in thungen a, ‘Pasian aw, keimah in mi zawhthawh bawla sut ahi zongin, mi thuman lo gamta ahi zongin, mi’ zi tawh mawh thei mi tham loin, hia siahdongpa tawh kibang ka hi kei hi. Nangma hehpihna ka phat hi.

Luka 19:10

Bang hang hiam na cih uh leh, Mihing Tapa in a mangthang mite zong ding leh gum dingin hong pai ahi hi,” a ci hi.

Luka 19:7

Tua thu amaute in a muh uh ciangin, “Mawhneipa’ inn sungah a taam hi,” ci-in a zahko uh hi.

Luka 5:30

Farisaite leh laitheite in, “Note in siahdongte leh mawhneite tawh, bang hangin an nekhawm tui dawnkhawm na hi uh hiam?” ci-in a nungzuite a ko uh hi.

Sawltak 23:9

Tua ciangin gamlumna piang a, Farisai-te laka laitheite kimkhat ding-in nakpi-in a nial uh a, “Hih pa tungah bangmah mawhna ka mu kei uh hi. Kha ahi zongin, vantungmi ahi zongin ama kiangah a gen leh, bang phamawh ahi hiam?” a ci uh hi.

1 KORIN MASA 2:15

Kha Siangtho a nei mi in na khempeuh khen thei a, amah ahih leh kuamah in a khen thei kei hi.

Hebru 12:3

Thakiamna lungkiatna a om loh nadingin mawhna a nei mite kiangah tua zah khamna a thuak Topa ngaihsun un.