Marka 16:5 - Tedim Bible

⁵ Han sungah a lut khit uh ciangin, puanpak silh, tangval khat taklam ah tu-in a muh uh ciangin lamdang a sa uh hi.

Tedim Bible Revision 2017

⁵ Han sungah a lut uh leh, a taklam pang uh ah, puan pak a silh tangval khat a tu mu uh a, lamdang sa-in a lau uh hi.

Marka 16:5 Iomraidhean Croise

Daniel 10:12

Tua ciangin amah in, “Daniel aw, lau kei in. Kiniamkhiat dinga na lungsim na khentat masak pen ni a kipan, tua thu na theihtheih nadingin Pasian in na thungetna a hong za zo hi. Na thungetna bang a hong pia dingin ka hong pai hi.

Daniel 8:17

Gabriel hong pai-in ka kiangah hong ding a, lau lua mahmah ka hih manin lei tungah ka puk hi. Amah in, “Leitungmi aw, a khiatna thei in. Mangmuhna pen hun beina ding lahna ahi hi,” ci-in ka kiangah a hong gen hi.

Mattiu 28:3

Ama meel in khuaphialep bang hi a, a puan zong vuuk bangin a paak hi.

Marka 1:27

Mi khempeuhte in lamdang a sa uh a, “Hih thu in bang thu ahi hiam? Thuhilhna thak ahi hiam? Uk neihna tawh kihhuai dawite thu a piak ciangin amau in a thu a mang uh hi,” ci-in khat leh khat a kikum uh hi.

Marka 14:33

Piter, Jokob leh Johan-te sam a, a lungman’na leh dahna a kipan hi.

Marka 16:4

Tua lai takin a et uh leh, tua suangpi kilikkhia a, om a mu uh hi. Tua suang in a gol mahmah suang ahi hi.

Marka 9:15

Thakhatin mihonpite khempeuh in Zeisu a muh uh ciangin lamdang a sa uh a, a kiangah tai-in amah a hopih uh hi.

Luka 1:12

Zekhariah in vantungmi a muh ciangin lunghimawhin a lau hi.

Johan 20:8

Tua lai takin, han a tung masa adang nungzuipa zong han sungah lut a, a muh ciangin a um hi.