Marka 16:1 - Tedim Bible

¹ Nipi ni a bei khit ciangin, Magdala khua Mari, Jakob’ nu Mari leh Salome te pai uh a; Zeisu’ luang zut nadingin paknamtui a lei uh hi.

Tedim Bible Revision 2017

¹ Sabbath ni a bei khit ciangin Magdala khuami Mary, James nu Mary le Salome-te in Jesuʼ luang a va zut nadingun paknamtui a va lei uh hi.

Marka 16:1 Iomraidhean Croise

Piancilna 50:2

A pa a muat loh nadingin a bawl dingin Josef in a nasem zatui siamte thu pia hi. Tua ahih ciangin zatui siamte in zatui tawh Israel bawl uh hi;

2 KHANG TANGTHU NIHNATE 16:14

David khuapi sungah amahmah in a khuak han sungah amaute in vui uh hi. Paknamtui bawl siamte in a bawl a namtui a nam tuamtuamte tawh a kidim hankuang sungah amah sial uh hi; tua ciangin amah zahtakna-in amaute in meiphual lian mahmah khat cih uh hi.

Marka 14:3

Bethani khua-ah miphak Simon’ inn sungah Zeisu om a, an a nek lai takin numei khat in a manpha mahmah, nard paknamtui suangngo thawl khat a suk khap khit ciangin, Topa’ lu tangah a nilhsak hi.

Marka 14:8

Hih numei in ahih zawh zahin a hih zo hi. Keima luang vui nadingin ka pumpi paknamtui tawh a hong nilhkhol zo hi.

Marka 15:40

Numei kimkhat in zong gamlapi panin a gal et uh hi. Tua numeite lakah Magdala khua Mari, a nau Jakob leh Joses te’ nu Mari leh Salome a om uh hi.

Marka 15:42

Tua ni in Kigin ni, nino ni ahih ciangin nitak ciangin,

Marka 15:47

Magdala khua Mari leh Joses’ nu Mari-te in a luang vuina mun a mu uh hi.

Marka 16:2

Ni sagih lakah ni kipat ni, zingsang tuung, nisuah lai takin hanah a pai uh hi.

Marka 16:8

Amaute paikhia uh a, han panin a tai uh hi. Bang hang hiam i cih leh, lamdang sa-in a liing uh hi. Amaute lau mahmah ahih manunah kuamah kiangah a gen kei uh hi.

Luka 23:54

Tua ni in Kigin ni hi a, Nipi ni a nai hi.

Luka 23:56

Amaute ciah uh a, paknamtui leh sathau namtui a bawl uh hi. Thukham bangin Nipi ni-in nasem loin a om uh hi.

Luka 24:1

Ni sagih lakah ni kipat ni zingtungin numeite in amau bawlsa paknamtui tawi-in hanah a pai uh hi.

Johan 19:25

Zeisu’ singlamteh kiangah a nu leh a nu’ sanggamnu, Klopas’ zi Mari leh Magdala khua Mari-te a ding uh hi.

Johan 19:31

Tua ni in kigin ni ahih ciangin, Nipi ni-in a luang singlamteh tungah a om loh nadingin, Judah mite in Pilat kiangah a khe kuaitanin a luang a paihkhiat nading thu a va ngen uh hi. Bang hang hiam i cih leh, tua Nipi ni in ni lian mahmah ahi hi.