Marka 13:7 - Tedim Bible

⁷ Galdona thu leh gal kikapna thu na zak uh ciangin lunghimawh kei un. Tuate a piang ding uh hi. Ahih hangin a beina a tung nai kei ding hi.

Tedim Bible Revision 2017

⁷ A gamla a gal kidona thute le a nai-a gal kidona huging na zak uh ciangin patau kei un. Tuate a piang ding mah hi a, hun beina ding hi nai lo hi.

Marka 13:7 Iomraidhean Croise

2 SAMUEL NIHNA 14:14

Eite khempeuh i si ding hi, a kikhawm kik thei lo lei lakah a bua tui tawh i kibang hi; ahih hangin a hawlkhiatpa a kipuasehin a koih loh nadingin lampi a zong mipa’ nuntakna Pasian in lakhia lo ding hi.

Late 112:7

Amah in thusia zak ding lau lo hi; Topa muang a, ama lungsim a kip hi.

Late 27:3

Mi honkhat in kei langpangin phual a sat hangin, ka lungsim lau lo ding hi; kei langpangin gal hong kuan hangin, tua nangawn-ah ka lungmuang ding hi.

Paunak 3:25

Migilote tungah huihpi bangin siatna a tun’ ciangin, nang na lunghihmawh nading om lo ding hi.

Isaiah 8:12

“Hih mite’ sawmsimna pawlpih kei un. Amaute’ kihtakte kihta kei un la, lau kei un.

Jeremiah 51:46

Gam sunga kam dawn kigen sawnte hangin, lungkia kei un, lau kei un. Kum khatin thu khat kigen a, a kum kik ciangin thudang khat kigen lel hi. Gam sungah ngongtatna thu om a, kumpi khat leh kumpi khat kidona thu kigen thei hi.

Mattiu 18:7

“Puk nading om ahih ciangin, leitung mite in gimna a thuak ding uh hi. Bang hang hiam na cih uh leh, puk nading thu a om hi. Ahih hangin, a puksakpa in gimna a thuak ding hi.

Mattiu 2:3

Herod kumpipa in tua thu a zak ciangin Jerusalem khuami khempeuh tawh a lunghimawh uh hi.

Marka 13:6

Mi tampi in, ‘Kei tua pa ka hi hi,’ ci-in keima min tawh hong pai-in mi tampi a kheem ding uh hi.

Marka 13:8

Mi namkhat leh namkhat, gamkhat leh gamkhat hong kido ding uh hi. Mun khat khatah ziin hong ling ding hi. Kial zong hong tung ding hi. Tuate in gimna kipat cilna ahi hi.”

Johan 14:1

Khatvei Zeisu in, “Note lungmang kei un; Pasian um un la, kei zong hong um un.

Johan 14:27

Nopna note kong pia hi; keima nopna kong pia hi. Leitung mite in a piak bangin kong pia kei hi. Na lungmang kei un la, na lau kei un.

Sawltak 17:3

Khazih in sihna a thuak khit ciangin sihna pan a thawhkik nading thu om a, “Kong thu hilh Zeisu in Khazih ahi hi,” ci-in a tel takin lakin thu a hilh hi.