Marka 13:4 - Tedim Bible

⁴ “Tua thute in cik cianga hong piang ding hiam? A pian’ nading a naih ciangin bang lim hong piang ding ci-in hong hilh in,” ci-in a sim dot uh hi.

Tedim Bible Revision 2017

⁴ “Hih na thugen cik ciangin hong tung dinga, hih na thugente khempeuh hong tun ding ciangin bang lim hong om ding ahi hiam?” ci-in a dong uh hi.

Marka 13:4 Iomraidhean Croise

Daniel 12:6

Tua mite khat in puanpak silh a, gungal a gamla zaw deuh-a a ding pa’ kiangah, “Hih nalamdangte a bei nading bang tanvei sawt ding ahi hiam?” ci-in a dong hi.

Daniel 12:8

A thugen ka za a, ahih hangin tel takin ka thei kei hi. Tua ahih ciangin, “Topa aw, bang ci bangin beina a hong piang ding hiam?” ci-in ka dong hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Marka 13:3

Tua lai takin Zeisu in Oliv Mual tungah biakna inn pam ah tu a a om lai takin Piter, Jakob, Johan leh Andru te in,

Marka 13:5

Zeisu in, “Kuamah in hong kheem zawh loh nadingin na kikeem un.

Luka 21:7

Amaute in “Topa aw, tua thute in cikciangin hong tung ding ahi hiam? A pian’ ding hong naih ciangin bang limin a hong kihil ding hiam?” ci-in a dong uh hi.