Marka 11:1 - Tedim Bible

¹ Amaute Jerusalem khuapi tawh kinai Oliv Mualah a om Bethfage khua leh Bethani khua-ah a tun’ uh ciangin, Zeisu in a nungzuite nih sawl a,

Tedim Bible Revision 2017

¹ Jerusalem khuanai, Bethfage le Bethany khuaneute a omna Oliv Mual a tun uh ciangin Jesu in a nungzuite nih ma sawl a,

Marka 11:1 Iomraidhean Croise

2 SAMUEL NIHNA 15:30

Ahih hangin Oliv Mual tung kahtohna-ah David paito-in, khe guak leh lu tuamsa-in a pai kawmin kap hi; amah tawh a om mi khempeuh in a lu uh khuhin paito uh a, a pai kawmun kap uh hi.

Zekhariah 14:4

Tua ni ciangin Jerusalem nisuahna lama om Oliv Mual tungah Topa’ ding ding hi. Tua ciangin nisuahna lam pan nitumna lamah Oliv Mual kitamin phel nih suak ding a, a kikalah kuampi om ding hi. A mual kimkhat leilu lamah kikhinin, kimkhat, leitaw lamah kikhin ding hi.

Mattiu 21:17

Tua lai takin, amaute paisanin khua sung pan paikhia a, Bethani khua tungin tua san takah a giak hi.

Mattiu 24:3

Tua lai takin Zeisu in, Oliv Mual tungah tu-a a om lai takin a nungzuite in a kiangah va pai sim uh a, “Tua thute in cikciang a hong piang ding hiam? Topa, nong kum ding ahi zongin, leitung bei ding ahi zongin, bang limin hong kihil ding cih hong hilh in,” ci-in a dong uh hi.

Mattiu 26:30

Amaute in la a sak khit uh ciangin, Oliv Mualah a paikhia uh hi.

Marka 11:2

“Na mai uh ah a om khua-ah pai un la; tua khua-ah na lut uh ciangin kuama tuan’ ngei lohna lano khat khau khihsa a, om thakhatin na mu ding uh hi. Lano khau sut un la, ka kiangah hong paipih ta un.

Marka 13:3

Tua lai takin Zeisu in Oliv Mual tungah biakna inn pam ah tu a a om lai takin Piter, Jakob, Johan leh Andru te in,

Marka 14:13

Zeisu in, “Khua sungah pai un la, tuibeel khat a pua mi khat tawh na kituak ding uh hi.

Marka 6:7

Tua lai takin Zeisu in a nungzui sawm-le-nihte a sap khit ciangin, kihhuai dawite a zawh nading thu pia a, nih tek, nih tekin a sawl hi.

Johan 8:1

Zeisu Oliv Mual ah a pai hi.

Sawltak 1:12

Tua ciangin Jerusalem khua tawh kinai, Nipi ni pai theih tan a gamla Oliv Mual panin sawltakte Jerusalem khua-ah a paikik uh hi.