Marka 10:1 - Tedim Bible

¹ Tua mun panin Zeisu tho a, Judah gam leh Jordan gun gal khatah a tung hi. Mi tampi in ama kiangah kikhawm kik uh a, a ngeina bangin thu a hilh hi.

Tedim Bible Revision 2017

¹ Tua lai panin Jesu ding khia-in Judea gam le Jordan Gun gal gam tengah a pai hi. Ama kiangah mihon tampi hong kikhawmkik uh a, a hilh ngeisa bangin amaute tungah thu a hilh hi.

Marka 10:1 Iomraidhean Croise

Thuhilh-sia 12:9

Thugen Siampa, mipil ahih ban-ah ama theih teng, mite tungah hilh hi. Amah in paunakte, lim takin sin a, aman ahihna thu hoih takin entel hi.

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Mattiu 26:55

Tua lai takin Zeisu in, “Note in galgu mat bangin kei man dingin namsau leh molhtum tawi-in hong pai na hi uh hiam? Keimah in nisimin biakna innpi sungah tu a, thu ka hilh lai takin na hong man kei uh hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Marka 1:21

Amaute Kapernaum khua-ah lut uh a, Nipi ni-in Zeisu kikhopna inn sungah thakhatin lut a, thu a hilh hi.

Marka 10:2

Farisaite in Zeisu kiangah va nai uh a, “Mi in a zi a mak tuak hiam?” ci-in a ze-et nadingun thu a dong uh hi.

Marka 12:35

Zeisu in biakna innpi sungah thu a hilh lai takin, “Khazih in David’ Ta ahi,’ ci-in laitheite in bangci a gen thei uh hiam?

Marka 14:49

Keimah in ni simin biakna innpi sungah thu hilh a, note tawh ka omkhawm lai takin nong man kei uh hi. Hih thute in Lai Siangtho hong tun’ nading ahi hi,” ci-in mihonpite kiangah a gen hi.

Marka 2:13

Tua lai takin Zeisu tuili geiah a pai kik leh, mihonpi khempeuh a kiangah pai uh a, amaute thu a hilh hi.

Marka 4:2

Mihonpite in tuili geiah lei tungah a om uh hi. Zeisu in thugentehna tawh thu tampi hilh a, a thuhilhna sungah a gen-inah,

Marka 6:2

Nipi ni a tun’ ciangin kikhopna innah thu a hilh hi. Mi tampite in a thu a zak uh ciangin, lamdang a sa uh hi. “Hih pa in hih thute koi pan a ngah hiam? Hih pa kipia pilna in bang pilna ahi hiam? Ama khut tawh hihzah tak nalamdangte bangci a bawl thei hiam?

Marka 6:34

Zeisu paikhia a, mihonpi a muh ciangin, a cing om lo tuute tawh kibang hi ci-in hehpihhuai sa a, thu tampi a hilh hi.

Marka 6:6

Amaute up lohna lamdang a sa hi. Zeisu in khuapite leh khuaneute sungah thuhilhin a vak kawikawi hi.

Johan 10:40

Johan in a masa bel a baptaizna mun Jordan gun galah Zeisu pai kik a, tuasan takah a om hi.

Johan 11:7

Tua nung ciangin, “Tu-in Judah gam lamah pai kik ni,” ci-in a nungzuite kiangah a gen hi.

Johan 18:20

Zeisu in, “Leitung mite mai-ah a kilangin ka gen zo hi. Judah mite’ kikhopna innte leh biakna innpi sungah a tawntungin thu ka hilh a, thu ka hilhsim ngei kei hi.