Marka 1:34 - Tedim Bible

³⁴ Zeisu in cinatna nam tuamtuam a vei tampi damsak a, dawi tampi a hawlkhia hi. Dawite in Zeisu a theih manun ah kamkhat beek gen lo dingin a kham hi.

Tedim Bible Revision 2017

³⁴ Jesu in natna namkim a vei mi tampi damsak a, dawi tampi tak zong a hawl khia hi. Dawite in Jesu thei uh ahih manin, Jesu in dawite thu gensak lo hi.

Marka 1:34 Iomraidhean Croise

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 4:24

A thu khempeuh in Siria gam teng zeel a, dawi lut, sibup, khut leh khe si akipan, cinatna pawl khempeuh a veite ama kiangah hong paipih uh a, cinatna khempeuh a damsak hi.

Marka 1:25

Zeisu in, “Pau kei in la, ama sung pan paikhia in,” ci-in a taai hi.

Marka 3:12

Amah kua mi ahi cih gen lo dingin nakpi-in a kham hi.

Luka 4:41

Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.