Luka 8:1 - Tedim Bible

¹ Tua nung a sawt loin, Zeisu in khuapi khuaneu-ah vak kawikawi in thu hilh a, Pasian’ Gam Lungdamna Thu a zasak hi. Amah tawh Sawm-le-nihte a pai khawm uh hi.

Tedim Bible Revision 2017

¹ Tua zawh tawl khat khit ciangin khuapite le khuaneute ah a banbanin Jesu pai a, Pasianʼ Ukna hangin Lungdamna Thu hilhin a vak kawikawi hi. Tua a vak kawikawina ah nungzui sawm le nihte,

Luka 8:1 Iomraidhean Croise

Mattiu 11:1

Zeisu in a nungzui sawm leh nihte tua bangin a vaikhak khit ciangin, khua sungah thu gen ding, thu hilh dingin tua mun pan a paikhia hi.

Mattiu 13:19

Mi khat in Vantung Gam thu a zak ciangin, thei lo ahih ciangin dawimangpa hong pai a, a sin sunga kivawh khaici a lakhia hi. Tuate in lampi geiah a kia khaici ahi hi.

Mattiu 4:23

Zeisu in amaute kikhopna inn sungah Vantung Gam’ Lungdamna Thu hilh a, cinate damsakin Galile gam sung tengah a vak kawikawi hi.

Mattiu 9:35

Zeisu in kikhopna inn sungah thu hilhin, gamsung khuapi, khuaneu khempeuh ah vak kawikawi a, Vantung Gam Lungdamna Thu hilh a, cina, luna khempeuh a damsak hi.

Marka 1:39

Amah in Galile gam khempeuh kikhopna inn tengah pai kawikawi a, thu hilhin dawite a hawlkhia hi.

Luka 1:80

Tua naungeek khang a, a lungsim siamna khangto a, Israel mite kiangah a kilah ni matengin gampa lakah a om hi.

Luka 20:1

Ni khat Zeisu in biakna innpi sungah mite thu hilh a, Lungdamna Thu a gen lai takin, siampi liante, laitheite leh upate ama kiangah a pai uh hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Luka 9:6

Amaute paikhia uh a, Lungdamna Thu hilhin, cinate damsakin, khuapi leh khuaneute ah a pai kawikawi uh hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 13:32

‘Ka tapa na hi hi. Tu ni-in na Pa ka suak hi,’ ci-in Late Lai Siangtho Nambat nihna sungah a kigelhkholh mah bangin Pasian in Zeisu nungtakik sak a, i pu i pate kiangah a piak kiciamna ei a tate tungah hong tung sak hi ci-in Lungdamna Thu nomau kiangah kong paipih uh hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”