Luka 7:2 - Tedim Bible

² Galkap mangpa khat in a it mahmah nasempa khat nei a, tua nasempa cina-in a si dek tak hi.

Tedim Bible Revision 2017

² Tua khua sungah Rom mi galkap bu khat om a, tua bupa in a it mahmah nasem khat a nei hi. Tua a nasem pa a ci na-in a si dektak hi.

Luka 7:2 Iomraidhean Croise

Piancilna 24:27

“Ka topa’ tungah a itna kip leh a thumanna a pelh lo, ka topa Abraham’ Pasian, Topa in thupha ngah ta hen. Kei ka hih leh, ka topa’ behte’ inn zuatna lampi-ah Topa in hong paipih hi,” ci hi.

Piancilna 35:8

Tua ciangin Rebekah a cingnu Deborah si a, Beth-el khang tawsaw nuai-ah amah kivui hi; tua ahih ciangin tua mun min in Allon-bakuth kici hi.

JOB (Job) 31:5

“A giloin ka gamtat ngei het lohna, kuamah ka khem ngei het lohna thute-ah ka kiciam ngam hi.

Paunak 29:21

Sila khat a neu tunga-a kipan lim takin na khoi hangin, a tawpna-ah nang hong hehsak veve ding hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Luka 7:1

Zeisu in thu khempeuh mihonpite zak dingin a hilh khit ciangin, Kapernaum khua-ah a lut hi.

Luka 7:3

Galkap mangpa in Zeisu thu a galzak ciangin, Judah upate a kiangah va sawl a, Topa hong pai-in tua nasempa a damsak nadingin a ngensak hi.

Luka 8:42

Bang hang hiam i cih leh, kum sawm leh kum nih a pha tanu khat nei a, tua a tanu si dek tak hi. Zeisu a pai lai takin, mihonpi in amah a phukha uh hi.

Sawltak 10:1

Kaisaria khua-ah Italy kici galkap kuan khat a uk, galkapbu Kornelias kici mi khat a om hi.

Sawltak 10:7

Ama kiangah a gen vantungmi a paikhiat khit ciangin Korenelias in a nasem nih leh ama nasem niloh Pasian a zahtak galkap khat sam a,

Sawltak 22:26

Galkap bupa in tua thu a zak ciangin galkap mangpa kiangah pai a, “Bang na cih ding hiam? Hih mi in Rom mi ahi hi,” a ci hi.

Sawltak 23:17

Paul in galkap khat sam a, “Hih tangval galkap mangpa kiangah va kha in. Bang hang hiam na cih leh, thugen ding khat a nei hi,” a ci hi.

Sawltak 27:1

Italy gam teembaw-ah tuangin ka pai ding uh a kitel khit ciangin, Julias min nei Augustus pawl galkap mangpa’ khut tungah Paul leh thong sunga kikhum midangte a pai uh hi.

Sawltak 27:3

A zing ciangin Sidon khua ka tun’ uh ciangin, ama lawmte kiangah pai-in an vakna a ngah theih nadingin Julias in Paul hehpihin thu a pia hi.

Sawltak 27:43

Ahih hangin galkap mangpa in Paul a suahtaksak nop maninah galkapte’ hihna kham a, “Tui peek siamte in peek masa uh a, lei tungah a tung masa ding uh hi.

Kolose 3:22

Silate aw, Pasian kihta-in, mihing pahtaak ding ut-a mi’ maitang bekah mang hi loin, lungka loin, ci-le-sa tawh kipawl na tote uh thu khempeuh na mang un.