Luka 4:8 - Tedim Bible

⁸ Zeisu in zong, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” a ci hi.

Tedim Bible Revision 2017

⁸ Jesu in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

Luka 4:8 Iomraidhean Croise

2 KUMPI NIHNATE 19:15

Tua ciangin Hezekiah in Topa’ mai-ah thu ngenin, “Topa, Israel Pasian, kherubte tungah a tupa aw, leitung kumpi gam khempeuh lakah nangmah, nangmah bek in Pasian na hi hi; nangmah in vantung leh leitung na bawl hi.

Late 83:18

Topa a kici min nei nangmah bek in leitung khempeuhah a Sang Penpa na hihna amaute thei sak in.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Mattiu 16:23

Zeisu kihei a, “Satan aw, ka nungah kinkhia in. Nang in keima suih khak nading na hi hi. Nang in Pasian thu na ngaihsun kei hi; mite thu bek na ngaihsun hi,” ci-in Piter a taai hi.

Mattiu 4:10

Zeisu in “Satan aw, kihemkhia in. Na Topa Pasian na bia ding hi; ama na bek na sem ding hi,’ ci-in Lai Siangtho sungah kigelh hi,” a ci hi.

Luka 4:4

Zeisu in, “Mite in khomun bek tawh nungta lo hi, ci-in Lai Siangtho sungah kigelh hi,” a ci hi.

Luka 4:7

Tua ahih ciangin, hong bia leteh hihte khempeuh nangma aa ahi ding hi,” a ci hi.

Thu-hilhkikna 10:20

Topa note’ Pasian na zahtak ding uh hi; ama na semin amah beelin, ama min tawh na kiciam ding uh hi.

Thu-hilhkikna 6:13

Topa na Pasian uh na zahtak ding uh hi; ama na bek na sem ding uh a, ama min tawh na kiciam ding uh hi.

Jeim 4:7

Tua ahih ciangin Pasian’ ukna na mang un. Dawimangpa na kham un; na kham uh leh, note kiang pan a taikhia ding hi.

1 PETER MASA 5:9

Leitung mun khempeuhah a om na u na naute un tua bang gimna thuakin a om uh hi ci-in thei un la, upna tawh kipin Dawimangpa na nial un.

Mangmuhna 19:10

kei in tua vantungmi’ khe kiangah bokin bia dingin ka kisak leh, amah in, “Kei hong bia kei in! Kei in nang tawh ahi zongin, Zeisu’ teci pan’na a sang na sanggamte tawh ahi zongin sila ka hi khawm hi, Pasian bia in! Bang hang hiam na cih leh, Zeisu’ teci pan’na thu in kamsangte lungsim ahi hi,” ci-in kei kiangah hong gen hi.

Mangmuhna 22:9

vantungmi in, “Kei hong bia kei in! Kei in nanga kipan na u na nau na sanggam kamsangte tawh ahi zongin, hih laibu-ah a om thute a zui mite tawh ahi zongin a sila ka hi khawm hi. Pasian bia in,” hong ci hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topa lamah a kihei kik na hih uh leh note lak panin gamdang pasiante leh Ashtaroth milim koih khia-in Topa lamah na lungsim uh ngat un la, ama’ na bek sem un; tua ciangin amah in Filistiate khut sung panin note hong honkhia ding hi,” a ci hi.