Luka 4:6 - Tedim Bible

⁶ “Hih vangliatnate leh amau minthan’nate kong pia ding hi. Bang hang hiam na cih leh, kei hong kipia zo a, ka piak nop mi kiangah ka pia thei hi.

Tedim Bible Revision 2017

⁶ “Hihte khempeuh keima tungah hong kipia khin ahih manin, ka piak nop peuhpeuh tungah ka pia thei hi. Hih vangliatna le hauhnate khempeuh nangma tungah kong pia ding hi.

Luka 4:6 Iomraidhean Croise

Johan 14:30

Tu-a kipanin note kiangah thu tampi kong gen nawn kei ding hi. Bang hang hiam na cih uh leh, hih leitung ukpa hong pai a; ahih hangin kei tungah thu a nei kei ding hi.

Johan 12:31

Tu-in hih leitung in thukhenna a thuak ding hi. Tu-in hih leitung ukpa kihawlkhia ding hi.

1 JOHAN MASA 5:19

Eite in Pasian’ tate i hi hi cih thu i thei hi, leitung khempeuh in a gilo mi’ khut sungah a om thu zong i thei hi.

Mangmuhna 13:7

Misiangthote tawh zong kido a, a zawh nading thu a pia hi. Minam, mipawl, kam, gam khempeuh tungah ukna thu a ngah hi.

Mangmuhna 13:2

Ka muh sahang in kamkei tawh kibang hi. A khete vomkhe tawh kibang hi. A kam in humpinelkai’ kam tawh kibang hi. Gulpi in a vangliatna ahi zongin, a tokhom ahi zongin, a aana ahi zongin tua sahang a pia hi.

Mangmuhna 12:9

Leitung khempeuh a kheem Dawimangpa, Satan kici tang lai gulpi pen ama nungzuite tawh leitungah a kikhiasuk hi.

1 PETER MASA 1:24

Bang hang hiam na cih uh leh: “Mi pawl khempeuh in lopa kung tawh kibang uh hi, Amaute’ minthan’na khempeuh zong lopa pak tawh kibang hi. Lopa kung a keu thei a, a pak zong a pulh thei hi;

2 KORIN NIHNA 11:14

Hih thu in lungmanhuai hi lo hi. Satan nangawn in khuavak tawh kipawl vantungmi bangin a kibawl thei hi.

Johan 8:44

Note in na pa uh dawimangpa’ suan na hi uh hi. A gilo na pa uh deihna bangin na gamta nuam uh hi. Amah in a cil panin mi thatpa hi a, thumanna nei lo ahih ciangin thuman thutak sungah a kip kei ding hi. Amah in thuzuau a gen ciangin ama thu a gen hi. Bang hang hiam na cih uh leh, amah in zuauthu gen leh thuzuaupa lah ahi hi.

Isaiah 23:9

Topa’ vaihawm ahi hi. Mi liante’ kiphasaknate a beisak nading, leh a kipahtawi uliante a niamkhiat nadingin a bawl ahi hi.

Isaiah 5:14

Tua ahih ciangin Leinuai in a duhna khangsakin, bangmah tawh kiteh theih lo zahin a kam ka beba a, Jerusalem’ hoihna leh a mipite, a mihonte leh ama sunga lungdam mite a nawmvalh hi.

Esther 5:11

ama hauhna teng, a tapa neih teng, kumpipa in amah a pahtak manin a za khan’ sakna teng, leh kumpipa’ nasemte leh ulian dangte khempeuh sangin a lianzawin amah a koihna thute khempeuh amaute tungah gen in lak hi.

Luka 4:7

Tua ahih ciangin, hong bia leteh hihte khempeuh nangma aa ahi ding hi,” a ci hi.