Luka 4:1 - Tedim Bible

¹ Zeisu in Kha Siangtho tawh kidimin Jordan gun pan a ciah ciangin, Kha Siangtho in gampa lakah paipih a,

Tedim Bible Revision 2017

¹ Kha Siangtho tawh a kidimin Jordan gun panin Jesu hong kilehkik a, Kha Siangtho in gamlak ah paipihin,

Luka 4:1 Iomraidhean Croise

1 KUMPI MASATE 18:12

Nang kiang panin kei ka paikhiat phetin ka theih lohna munah Topa’ Kha in nang hong pua ding hi; tua ciangin, kei pai-in Ahab kiangah genin amah in nang hong muh loh ciangin, ka khangno lai-a kipanin keimah na nasempa in Topa zahtak hi napi-in, amah in kei hong that ding hi.

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Isaiah 61:1

A zawng mite tungah lungdamna thu puak dingin Topa in kei sathau hong nilhin hong sawl ahih manin kei tungah Topa Pasian’ kha hong om hi; lungsim kitamzante a damsak ding, sal-a a kimante tungah suahtakna thu a gen ding, a kihen mite’ adingin thong kong a hong ding;

Ezekiel 3:14

Pasian’ Kha in hong pai khiatpih lai takin ka lungkim het loin ka heh suak mahmah hi. Ahi zongin Topa’ vangliatna in kei hong zo zaw hi.

Mattiu 3:16

Zeisu a kibaptaiz khit tui sung pan a thawhtoh lai takin van kihong a, Pasian’ Kha Siangtho vakhu bangin hong kum sukin, ama tungah a khawl a mu hi.

Luka 2:27

Tua lai takin amah in Kha Siangtho tawh biakna innpi-ah pai a, a nu leh pate in naungeek Zeisu hangah Thukham ngeina bang hih dingin a paipih lai takun,

Luka 3:3

Kamsangpa Isaiah’ Lai Siangtho sungah a kigelh mah bangin Johan in Jordan gun dungah vak kawikawi a, mawhna maisak nading kisik kikna tawh kituakin baptaizna thu a hilh hi.

Luka 3:38

Kainan in Enos’ ta hi, Enos in Seth’ ta hi, Seth in Adam’ ta hi, Adam in Pasian’ ta hi.

Luka 4:14

Zeisu in Kha Siangtho’ vangliatna tawh, Galile gamah ciahkik hi. Ama thu a kimkot gam khempeuh ah kizeelin a thang hi.

Luka 4:18

“Topa’ Kha Siangtho in keima tungah a om hi. Bang hang hiam i cih leh, mizawngte kiangah Lungdamna Thu zasak dingin hong sawl zo hi. A kiman a kikhum mite a kikhah nading ahi zongin, Mittawte in khua a muh kik theih nading ahi zongin, Bawlsiatna a thuak mite khah nading ahi zongin,

Johan 1:32

Tua lo adang Johan teci pan’na in, “Kha Siangtho vantung pan vakhu bangin hong kumsuka, tua pa tungah a tuang ka mu hi.

Johan 3:34

Pasian hong sawl mi in Pasian’ thu a gen hi. Bang hang hiam i cih leh, Pasian in Kha Siangtho kiteh loin a pia hi.

Sawltak 1:2

a tunglam a kilaktoh ni dong matengin a bawlsa leh a thuhilh khempeuh, a masa lai sungah ka gelh zo hi.

Sawltak 10:38

Pasian in Nazareth khua mi Zeisu, Kha Siangtho leh vangliatna tawh sathau a nilh khit ciangin tua Zeisu pai kawikawi a, thupha bawlin dawimangpa in a bawlsiatte khempeuh a damsak hi. Bang hang hiam na cih uh leh, Pasian in amah tawh a omkhawm hi.

Sawltak 8:39

Tui sung pan a kahtoh khit ciangin Kha Siangtho in Filip lakhia a, Mangpa in a nung ciangin Filip a mu nawn kei hi; lungdam mahmahin lam a paikik hi.