Luka 3:9 - Tedim Bible

⁹ Tu-in zong sing phungah hei a om zo hi. A gah hoih gah lo kung khempeuh phuk pai-in mei sungah kikhul ding hi,” a ci hi.

Tedim Bible Revision 2017

⁹ Tu mahmah in sing a bulphuk dingin hei tawh kingim zo hi. Gah hoih a gah lo singkung khempeuh kiphukin meikhuk sungah kikhul ding hi,” a ci hi.

Luka 3:9 Iomraidhean Croise

Ezekiel 31:18

“Tua singkung in Izipt kumpipa Faro leh ama mite ahi hi. Eden huan-a singkungte nangawn tua zahin lianin hoih zaw lo hi. Ahi zongin, Eden huan-a singkungte mah bangin, Pasian thu a ngaihsun lo, gal sunga a sisate’ omna a zuan dingin, misite’ omna Leinuai a zuan ding ahi hi. Topa Pasian keimah in hih thu ka gen khin hi,” hong ci hi.

Daniel 4:14

Amah in nakpi-in kiko-in, “Singkung phuk in la, a hiang teng sattan in; a teh teng heuh siang in la, a gah teng thehthang in. A nuai-a ganhing teng leh a hiang tunga vasa teng hawlkhia in,

Daniel 4:23

Kumpipa in na et lai takin, vantungmi khat vantung panin hong paisuk a, ‘Singkung phuk in la susia in, ahih hangin lei sungah a bul leh a zungte nusia in. A bulah sik leh sumngo kual vial in la, gamlak lopate tawh nusia khawm in. A tungah daitui kia hen la, kumsagih sung ganhingte tawh omkhawm ta hen,’ a ci hi.

Mattiu 3:10

Tu-in zong sing phungah hei a om hi. A gah hoihte a gah lo kung khempeuh phuk paii-in mei sungah kikhul ding hi.

Mattiu 7:19

A gah hoih lo kung khempeuh kiphuk tan a, mei sungah kikhul ding hi.

Luka 13:6

Zeisu in hih thugentehna a gen-inah, “Mi khat in a lo lai-ah theikung khat a suan hi. Theigah zong dingin tua kung kiangah a pai hangin, gah a om kei hi.

Luka 13:7

“Topa in lo nasempa kiangah, ‘En in, kum thum tua theikung’ gah zong dingin kong pai hangin ka mu kei hi. Na phuk in. Bang hangin lei a nainawngsak hiam?’ ci-in thu a pia hi.

Luka 13:9

Tu nung ciangin gah hong gah leh, a hoih hi. Ahih kei leh na phuk ding hi,’ a ci hi,” ci-in a gen hi.

Johan 15:6

Kei sungah a om lote in a kipaiikhia hiangte bangin a kikeusak hi. Tua ciangin mite in khawm uh a, mei sungah khulin mei in a kangtum hi.

Hebru 10:28

Moses’ Thukham a nial mi in teci nih bang, thum bang a om leh, hehpihna ngah loin a si hi.

Hebru 12:29

Bang hang hiam na cih leh, i Pasian in a kangtum thei mei ahi hi.