Luka 3:3 - Tedim Bible

³ Kamsangpa Isaiah’ Lai Siangtho sungah a kigelh mah bangin Johan in Jordan gun dungah vak kawikawi a, mawhna maisak nading kisik kikna tawh kituakin baptaizna thu a hilh hi.

Tedim Bible Revision 2017

³ Tua ahih ciangin Jordan Gun kiim gam khempeuh ah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.

Luka 3:3 Iomraidhean Croise

Mattiu 3:11

Keimah in na mawhna na kisikkikna uh hangin tui sungah ka hong baptaiz hi. Ahih hangin ka nungah hong paipa in kei sangin a lianzaw hi. Ama khedap tawi ding nangawn ka kilawm kei hi. Amah in Kha Siangtho leh mei sungah note hong baptaiz ding hi.

Luka 1:16

Israel mipawl tampi amau Topa Pasian kiangah a kiheisak kik ding hi.

Luka 1:77

Gupna thu ama mipawlte na theihsak nading ahi zongin, ama lampi na sial nading ahi zongin, Nang in Topa mai-ah na pai ding hi. Tua hehpihna hangin

Luka 4:1

Zeisu in Kha Siangtho tawh kidimin Jordan gun pan a ciah ciangin, Kha Siangtho in gampa lakah paipih a,

Johan 1:28

Johan baptaizna mun Jordan gun galkhat Bethani khua-ah hih thu khempeuh a piang hi.

Johan 3:26

Johan kiangah a pai uh a, “Rabbi aw, Jordan gun gal khatah nangmah tawh a omkhawm, ama thu teci na pan’na pa in baptaiz a, mi khempeuh ama kiangah a pai uh hi,” a ci uh hi.

Sawltak 19:4

Paul in, “Johan in, ‘Kei nungah hong paipa na um ding uh hi,’ ci-in mite kiangah genin, mawhna a kisikkik manunah a baptaiz hi. Tua bang a cihna in Zeisu ahi hi,” ci-in Paul in a gen hi.

Sawltak 22:16

Tu-in zong bang ngak na hi hiam? Tho in, kibaptaiz in la, Pasian kiangah thugenin, na mawhna na kisawpsiang ding hi,’ hong ci hi.