Luka 21:4 - Tedim Bible

⁴ Bang hang hiam na cih uh leh, tua mi khempeuhte in a sumval lak pan a khia uh hi. Tua numei ahih leh, zawng napi-in a kivaak nading khempeuh nangawn a khia hi,” ci-in a gen hi.

Tedim Bible Revision 2017

⁴ Bang hang hiam cih leh a dangte in a zat val uh sumte a khia uh ahi hi. Ahi zongin hih numei a zawng mahmah hi napi-in a nuntak nading khempeuh a khia khin ahi hi,” a ci hi.

Luka 21:4 Iomraidhean Croise

Marka 12:44

Bang hang hiam na cih uh leh, amaute in a sum val lak pan a khia uh hi. Tua numei ahih leh, a zawng napi-in ama kivak nading nangawn sit loin a khia zo hi,” ci-in a gen hi.

Luka 15:12

A taneu in a pa kiangah va pai a, ‘Pa aw, ka ngah dinga kilawm luahna sum hong pia in,’ ci-in a ngen hi. A pa in a tate tungah a sum hawmsak hi.

Luka 21:3

“Ke’n aman takpi kong cih-inah, mi khempeuh lak panin tua numei in tam a khia bel hi.

Luka 8:43

Tua lai takin, kum sawm leh kum nih tawntung si luang cinatna vei a, a neihsa tengin zatote a guaih hangin kuamah in a damsak zawh loh numei khat in,

Sawltak 4:34

Amaute lakah mizawng khat beek a om kei uh hi. Bang hang hiam i cih leh, inn ahi zongin, lo ahi zongin, a neih khempeuh uh a zuak khit uh ciangin a ngah a mante,

2 KORIN NIHNA 8:12

Bang hang hiam na cih uh leh, hih nopna lungsim a om leh, hih zawh lohna ngaihsun loin, hih zawh ding bek ngaihsutna in a deihhuai na ahi hi.